Sangrampur Leopard : काकणवाडा येथे वाण नदी पात्रात बिबट्याचा वावर; वन विभागाकडून सतर्कतेचा इशारा!

संग्रामपूर : तालुक्यातील काकणवाडा येथे वाण नदी पात्रात ता.२४ नोव्हेंबर रोजी दुपारी बिबट्याचा वावर दिसून आल्याने शेतकऱ्यांमध्ये भीती निर्माण झाली आहे. तर रात्री च्या वेळी कुणीही नदी पात्रात जाऊ नये अशी मुनादी वन विभागकडून देण्यात आली असून नागरिकांनी सतर्क राहण्याचे आवाहन करण्यात आले आहे. सोबतच बिबटयाचा तपास घेण्यासाठी परिसरात सीसीटीव्ही लावण्यात आले आहेत.