गोंदिया: अर्जुनी मोरगाव तालुक्यातील इटिहाडोह धरणातून विसर्ग झाल्यामुळे पर्यटक मोठ्या संख्येने धरणातील विहंगमय दृश्य बघण्याकरिता येत आहेत. अशातच शनिवारी (ता. ३०) सायंकाळी साडेपाचच्या सुमारास आपल्या काकासोबत पर्यटनासाठी आलेल्या विहान भौतोष रॉय (४, रा. दिनकरनगर) या चिमुकल्यावर बिबट्याने हल्ला केला. बिबट्याने त्याला जवळपास १०० फूट जंगल परिसरात ओढत नेले. यात विहान गंभीर जखमी झाला.