छोटासा कलावंत चित्रातून करतोय कोरोनाविषयक जनजागृती

कोरपना (चंद्रपूर)  : वयावर कला आणि कलावंताचे मोठेपण अवलंबून आहे. आणि कलेतून दिला जाणारा संदेशही वयावर अवलंबून नाही.
एका छोट्या गावातसा छोटा मुलगा त्याच्या चित्रातून मोठा संदेश देतो आहे.कोरोनाचा संसर्ग टाळण्यासाठी  देशात लॉकडाऊन सुरू आहे. शासन, प्रशासनाकडून कोरोनाबाबत जनजागृती केली जात आहे. जनजागृतीसाठी आता कलाकारही पुढे सरसावले आहेत. त्यात छोटे कलावंतही मागे नाहीत.
आठव्या वर्गात शिकणा-या एका विद्यार्थ्याने आपल्या पेंटीगमधून " गो कोरोना गो " ची हाक दिली आहे. कोरपना तालुक्यातील वनोजा येथील या लहानग्या कलाकाराचे नाव सागर विनोद पेटकर आहे. हे पेटींग समाजमाध्यमांवर भलतेच व्हायरल होत आहे.
लॉकडाऊनमुळे शाळा, महाविद्यालये बंद आहेत.

सविस्तर वाचा - हुश्श! यंदाचा उन्हाळा गाठणार म्हणे पा-याचा   उच्चांक

घराबाहेर निघणे जिकिरीचे झाले आहे. अशात विद्यार्थी घरातल्या घरात आपल्या अंगभुत कला गुणांची मुक्त उधळण करीत आहेत. कोरपना तालूक्यात येणाऱ्या वनोजा येथील सागर विनोद पेटकर या विद्यार्थ्याने आपल्या कलेतून गो कोरोना गो ची हाक दिली. त्याने काढलेल्या पेंटीगमध्ये सनेटायझर कोरोना वायरसला हाकलून लावतांना दिसत आहे. या पेंटींगमधून कोरोनाचा संसर्ग टाळण्यासाठी  सनेटायझर,मास्कचा वापर करण्याचे आव्हान सागरने केले आहे. हे पेंटीग समाजमाध्यमांवर लोकप्रिय झाले आहे.