ब्रेकिंग: फास्टटॅगच्या रांगेत वाहन लावण्यावरून टोलनाक्यावर तरुणांचा प्रचंड राडा;  कर्मचाऱ्यांना धक्काबुक्की

तिवसा (जि. अमरावती) : अमरावती-नागपुर राष्ट्रीय महामार्ग सहावर असलेल्या नांदगाव पेठ आयआरबी टोल नाक्यावर नागपूर वरून अमरावती कडे जाणाऱ्या एका खाजगी ट्रॅव्हल्स मधील काही तरुणांनी टोल नाक्यावर गोंधळ घातल्याचा प्रकार आज दुपारी समोर आला आहे. 

नक्की वाचा - अनेक दिवसांपासून बंद असलेल्या घराचं शेजाऱ्यांनी उघडलं दार; पलंगाजवळील दृश्य बघून भल्याभल्यांचा उडाला थरकाप 

फास्टटॅगच्या रांगेतून वाहन लावण्यावरून हा गोंधळ झाल्याची प्राथमिक माहिती समोर आली आहे.मात्र तरुणांनी घातलेल्या या राडामुळे काही वेळ वाहतूकीची कोंडी झाल्याचे पाहायला मिळाले.

सध्या टोल नाक्यावर फास्टटॅगमुळे इतर लेनवरून निघण्याकरिता वाहन चालकांना चागलीच वाट पाहावी लागत आहे यामुळे टोलवर वाहणाच्या मोठ्या रांगाच्या रांगा पाहायला मिळत आहे यामुळेच संतप्त झालेल्या आज दुपारी 2 वाजताच्या सुमारास नागपुर वरून अमरावतीच्या दिशेने जाणारी एक खासगी ट्रॅव्हल्स ही नांदगाव पेठ ट्रोल नाक्यावर आली.याच दरम्यान या नाक्यावर एक ट्रक होता तो ट्रक कुठल्या लेन मधून टाकायचा हे चालकाला सुचत नव्हते. 

जाणून घ्या -  'तिच्या' घरी सुरु होती लग्नाची लगबग पाहुणेही होते तयार; तेवढ्यात आला फोन अन् एका क्षणात सगळंच संपलं 

यादरम्यान काही काळ वाहतूक कोंडी झाली होती. त्याच रागाच्या भरातून ह्या ट्रॅव्हल्स मधील तरुणांनी खाली उतरून टोल नाक्यावर धुडगूस घातली तर काही तरुण अक्षरशः टोलनाक्यावरील कर्मचाऱ्यांच्या अंगावर जाऊन मारहानीचा देखील प्रयत्न केला.या ठिकाणी सुमारे 15 मिनिट गोंधळाची परिस्थिती निर्माण झाली होती.त्यामुळे टोल नाक्यावर गोंधळ उडाला होता.

संपादन - अथर्व महांकाळ