पूजा चव्हाणच्या मृत्यूबद्दल अद्याप कुणीही सहानुभूती व्यक्त केलेली नाही; आई जगदंबेला घातले साकडे

यवतमाळ : पूजा चव्हाणच्या मृत्यूबद्दल अद्याप कुणीही सहानुभूती व्यक्त केलेली नाही. तिला न्याय मिळावा यासाठी आम्ही पुढे आलो आहे. पोहोरादेवी येथील जगंदबा मातेला साकडे घातल्याची माहिती मुबंई येथील सामाजिक कार्यकर्त्या तथा स्वंयम महिला मंडळांच्या योगिता साळवी यांनी शनिवारी यवतमाळ येथे पत्रकार परिषदेत दिली.

यावेळी त्यांच्यासोबत सिद्धी महिला मंडळाच्या अध्यक्ष स्मिता कवडे, दिशा ज्योत फाउंडेशनच्या अध्यक्ष ज्योती साठे उपस्थित होत्या. पूजा चव्हाण प्रकरणातील आतापर्यंत समोर आलेले पुरावे वनमंत्री संजय राठोड यांच्या भोवती फिरत आहेत. त्यामुळे ते दोषी दिसत आहेत.

अधिक वाचा - संजय राठोड उद्या देणार मंत्रिपदाचा राजीनामा?, तर विदर्भातील आमदाराला मिळणार वनखाते?

त्यामुळेच अजूनही सत्ताधाऱ्यांकडून पोलिसांवर तपासासाठी दबाव आहे. पूजाच्या रूपाने युवा नेतृत्व पुढे आले असते. मात्र, तसे झाले नाही. त्यामुळे पूजाला न्याय मिळावा यासाठी आम्ही पोहोरादेवी येथे जावून देवीला साकडे घातल्याचे साळवी म्हणाल्या.

दोषीला वाचविण्यासाठी सरकार प्रयत्नशील

दोषीला वाचविण्यासाठी सरकार प्रयत्नशील आहे. त्यामुळे या प्रकरणात आता सामाजिक संघटनांनी पुढे येणे गरजेचे आहे. त्यासाठी आम्ही पुढाकार घेतला आहे. राज्यातील सर्व सामाजिक संघटनांना एकत्र आणून लढा उभारण्याचा आमचा प्रयत्न असल्याचेही साळवी यांनी स्पष्ट केले.