"ज्या चेहऱ्यावर तू घमंड करते तो चेहरा ऍसिड टाकून विद्रूप करून टाकू"; खासदार नवनीत राणा यांना धमकी 

अमरावती ः अमरावतीच्या खासदार नवनीत राणा तसेच त्यांचे पती तथा आमदार रवी राणा यांना धमकीचे पत्र आल्याची तक्रार त्यांनी केली असून या प्रकरणाने चांगलीच खळबळ उडाली आहे.

हेही वाचा - क्या बात है! शेतकरीपुत्राची गगनभरारी; बनला पोलिस उपनिरीक्षक;अख्ख्या गावात फटाक्‍यांची आतषबाजी 

8 फेब्रुवारीला राष्ट्रपतींच्या अभीभाषणावर अभिनंदनाच्या प्रस्तावावर मी बोलत होती. गेल्या आठ ते दहा महिन्यांपासून महाराष्ट्रातील ठाकरे सरकारच्या कमींची माहिती मी संसदेत सांगितली. गेल्या दहा महिन्यांपासून लोकांचे काय मत आहे, हेसुद्धा मी त्या ठिकाणी सांगितले. संविधानाने मला बोलण्याचा अधिकार दिला आहे. सरकारची कमी सांगणे हे माझे कर्तव्य होते, त्यामुळे ती माहिती मी दिली, असे नवनीत राणा यांनी सांगितले.

दरम्यान, दुसऱ्याच दिवशी मला एक पत्र मिळाले. ज्या चेहऱ्यावर तू घमंड करते तो चेहरा ऍसिड टाकून विद्रूप करून टाकू, अशी धमकी त्या पत्रात होती. तुमचे पती तथा आमदार रवी राणा यांनासुद्धा ज्या पद्धतीने आम्ही अन्य लोकांशी वागतो तशाच पद्धतीने त्यालाही वागणूक दिली जाईल. तुम्हाला फिरण्याच्या लायकीचे सोडणार नाही, अशी धमकीसुद्धा त्या पत्रातून देण्यात आल्याचे खासदार नवनीत राणा यांनी सांगितले. 

हेही वाचा - Fastag Update : फास्टॅग असूनही भरावा लागला दुप्पट टोल, वाचा काय आहे कारण; टोल नाक्याबाहेर थाटली...

या पत्राच्या बाबतीत संसदेच्या पोलिस ठाण्यात तसेच लोकसभेचे अध्यक्ष ओम बिरला यांच्याकडे तक्रार करण्यात आली आहे, असे खासदार नवनीत राणा व आमदार रवी राणा यांनी सांगितले.

संपादन - अथर्व महांकाळ