
पुलगाव (जि. वर्धा) : येथील सुभाषनगर परिसरात जुन्या वैमनस्यातून एका युवकाचा खून झाला. ही घटना शनिवारी (ता. 16) रात्रीच्या सुमारास घडली. रोहित मनोज गौणमारे ऊर्फ डंभारे (वय 22 ) असे खून झालेल्या खुवकाचे नाव आहे. खून प्रकरणात तीन आरोपींना अटक करण्यात आली आहे. यातील एका अल्पवयीन बालकाचा समावेश आहे.
पोलिसांनी दिलेल्या माहितीनुसार, रोहित आणि कपिल भस्मे यांच्यात जुना वाद होता. या वादातूनच शनिवारी सायंकाळी कपिलच्या घराजवळ दोघांत पुन्हा वाद झाला. हा वाद कपिलच्या आईने सोडविला. यामुळे वाद निवळला असे वाटत होते. मात्र, रात्रीच्या सुमारास श्रीकांत भस्मे, कपिल भस्मे आणि त्याच्या मामाचा मुलगा हे तिघे सुभाषनगर येथे पोहोचले.
त्यांनी पुन्हा रोहितशी वाद घालून त्याच्यावर लोखंडी रॉड, विळा आणि लाकडी दांड्याने वार केले. यात रोहित गंभीर जखमी झाला व रक्ताच्या थारोळ्यात कोसळला. यानंतर तिघांनी घटनास्थळावरून पळ काढला. रोहितला रुग्णालयात दाखल नेले असता डॉक्टरांनी मृत घोषित केले.
घटनेची माहिती मिळताच पुलगाव पोलिसांनी घटनास्थळ गाठत पंचनामा केला. यावेळी घटनास्थळी असलेल्यांच्या बयानावरून मारेकऱ्यांची ओळख पटताच त्यांना अटक केली. ही कारवाई ठाणेदार ठाणेदार रवींद्र गायकवाड, विवेक बन्सोड, राजेंद्र हाडके, रवींद्र मुजबैले, निकेश गुजर, अनिल भोवरे, मुकेश वानखेडे यांनी केली.
अटक करण्यात आलेल्या आरोपींत श्रीकांत भस्मे (वय 32), कपिल भस्मे (वय 30) आणि अल्पवयीन बालकाचा समावेश आहे. यातील श्रीकांत भस्मे हा रेल्वेत कर्मचारी आहे. खून करून तो लगेच कामावर गेल्याची माहिती मिळताच पोलिसांनी त्याला कवठ (रेल्वे) येथून ताब्यात घेतले. तर दोघांना शहरातूनच अटक केली आहे.
खुनाच्या बाबतीत वर्धा जिल्ह्यात नेहमीच श्रुंखलेचा इतिहास आहे. याच इतिहासाची पुनरावृत्ती होते की काय असा संशय व्यक्त होत आहे. कारंजा येथे घडलेल्या खुनाच्या घटनेनंतर लगेच पुन्हा पुलगाव येथे खून झाला. दोन दिवसातील ही दुसरी घटना आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.