नागपूर : कोरोनाची दुसरी लाट (coronavirus) ओसरल्यानंतर जिल्ह्यात आता तिसऱ्या लाटेचे संकेत आहेत. मागील तीन दिवसांपासून कोरोना संसर्ग रुग्णसंख्येत (nagpur corona cases) हळूहळू वाढ होत आहे. सोमवारी (ता.६) नव्याने १२ जणांना कोरोनाची लागण झाली, तर अवघ्या तिघांनी कोरोनावर मात केली. विशेष असे की, यातील अनेक जण लसीचे दोन्ही डोस पूर्ण झालेले रुग्ण आहेत. यामुळे प्रशासनाने चिंता व्यक्त केली.
सोमवारी शहरात २ हजार ५१९ कोरोना चाचण्या झाल्या आहेत, तर ग्रामीण भागात २६८ चाचण्या झाल्या. यात १२ जणांना कोरोनाची बाधा झाल्याचे स्पष्ट झाले. यात शहरातून ७ तर ग्रामीण भागातून १ व जिल्ह्याबाहेरील ४ कोरोनाबाधितांचा समावेश आहे.
कोरोनाबाधितांची संख्या वाढत असल्याने सक्रिय रुग्णसंख्येत वाढ पाहायला मिळत असून कालपर्यंत ४७ रुग्णसंख्या होती. मात्र, ही संख्या ५६ वर पोहोचली आहे. आतापर्यंत जिल्ह्यात ४ लाख ९३ हजार ७२ जण कोरोनाच्या विळख्यात सापडले होते. यातील ४ लाख ८२ हजार ८९७ जणांनी कोरोनावर मात केली. तर १० हजार ११९ जणांचा कोरोनाने जीव घेतला आहे. सद्या शहरातील ४७ तर ग्रामीणचे ५ व जिल्ह्याबाहेरील ४ जणांचा समावेश आहे. हे सर्व रुग्ण मेयो, मेडिकलसह इतर शासकीय व खासगी रुग्णालये तसेच कोविड केअर सेंटरमध्ये डॉक्टरांच्या देखरेखीखाली उपचार घेत आहेत.
३ सप्टेंबर - ४ कोरोनाबाधित
४ सप्टेंबर - ७ कोरोनाबाधित
५ सप्टेंबर - १० कोरोनाबाधित
६ सप्टेंबर - १२ कोरोनाबाधित
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.