नागपूर मेट्रोच्या अजनी स्टेशनला लागली आग, अग्निशमन दलाच्या दोन गाड्या दाखल

नागपूर : नागपूर मेट्रोच्या (Nagpur Metro) अजनी स्टेशनवर (Ajni station) आग लागली असून स्टेशनवर असलेली सिग्नल केबल जळून खाक झालीय. दरम्यान, अजनी स्टेशनवर धुराचे लोट पसरले आहेत.

या घटनेची माहिती मिळताच, अग्निशमन दलाच्या दोन गाड्यांच्या साहाय्यानं आग विझवण्यात आल्याचं कळतंय. शॉर्ट सर्किटमुळं ही आग लागल्याचा प्राथमिक अंदाज व्यक्त केला जात आहे. मेट्रो प्रशासनाच्या या भोंगळ कारभारवर या निमित्तानं प्रश्न उपस्थित होत आहेत. सध्या स्टेशनवरील आग नियंत्रणात आल्याचं समजतंय.