नागपुरात बुरशीवरील अम्फोटेरिसिन-बी इंजेक्शनच तुटवडा; रुग्णांना धोका

नागपूर : कोरोनानंतर म्युकरमायकोसिस (Mucormycosis) अर्थात बुरशीच्या आजाराचे (Fungal diseases) थैमान सुरू झाले. या आजाराच्या रुग्णांचे मृत्यू होत आहेत. मात्र, आजारावर उपयोगी असलेल्या अम्फोटेरिसिन-बी इंजेक्शनचा तुटवडा (Lack of amphotericin-B injection) आहे. दररोज अडीच हजारांवर इंजेक्शनची गरज असताना नागपूर जिल्ह्यासाठी केवळ २०० ते ३०० इंजेक्शन उपलब्ध होत आहेत. यामुळे गंभीर रुग्णांना धोका (Risk to critical patients) निर्माण झाला आहे. (Amphotericin-B-injection-on-mucormycosis-is-scarce-in-Nagpur)

बुरशीच्या आजार असलेल्या एका रुग्णाला दररोज ५ अम्फोटेरिसिन-बी इंजेक्शन आवश्यकता असते. मिळालेल्या माहितीनुसार नागपूर जिल्ह्यात ३३३ म्युकरमायकोसिसचे रुग्ण मेयो, मेडिकलसह विविध खासगी रुग्णालयात दाखल आहेत. बहुतांश रुग्णांवर खासगी रुग्णालयात उपचार सुरू आहेत. एका रुग्णाला दिवसाला ५ इंजेक्शन प्रमाणे दररोज २ हजार ५०० पेक्षा जास्त इंजेक्शन्स आवश्यक आहेत.

शुक्रवारनंतर इंजेक्शन आली नाहीत. दोन दिवसांपासून शहरात एकही अम्फोटेरिसिन-बीचे इंजेक्शन वितरण झाले नसल्याची तक्रार रुग्णांच्या नातेवाइकांकडून आली आहे. मागणीनुसार पुरेसे इंजेक्शन मिळत नसल्याची तक्रारही केली आहे. ज्या रुग्णालयांनी २०० ते ५०० इंजेक्शनची मागणी केली, त्यांना ४० ते ५० इंजेक्शन देऊन बोळवण केली जात असल्याचे उघड झाले आहे.

पर्यायी औषधांचा तुटवडा

इंजेक्शन्स उपलब्ध नसल्यामुळे डॉक्टर पॉझकोनाझोल आणि इसाव्यूकोनाझोल गोळ्या प्रिस्क्रिप्शनवर लिहून देत आहेत. मात्र, बुरशीच्या आजारावर प्रभावी असलेल्या या गोळ्या मिळत नाही. यामुळे पर्याय असलेल्या या औषधांचाही तुटवडा भासत आहे.

(Amphotericin-B-injection-on-mucormycosis-is-scarce-in-Nagpur)