नागपूर - कोतवाली पोलिस ठाण्याच्या हद्दीतील गंगाबाई घाट समोरील विसावाजवळ राहणाऱ्या दोन भिक्षेकरूंमध्ये झालेल्या वादातून एकाने दुसऱ्यावर दांड्याने वार करून खून केला. ही घटना २५ तारखेला घडून ३१ तारखेला उघडकीस आली. याप्रकरणी पोलिसांनी आरोपीला अटक केली..सुरज शंकर मेश्राम (वय-३५, रा. कार्पोरेशन कॉलोनी, गंगाबाई घाट) असे मृत भिक्षेकरूचे नाव असून देवराज भजनलाल यादव (वय ३७, रा. हरई, जि. छिंदवाडा, मध्यप्रदेश) असे अटक आरोपीचे नाव आहे. पोलिसांनी दिलेल्या माहितीनुसार, सुरज हा व्यसनी असून त्याच्या या स्वभावाने त्याच्या भावाने त्याला घरातून हाकलून लावले..त्यामुळे एका वर्षापासून तो गंगाबाई घाट परिसरातील विसावा जवळ राहतो. याच परिसरात सहा महिन्यांपूर्वी देवराज यादव आला. सुरजच्या जागेवर त्याने काही दिवसांपूर्वी अतिक्रमण केल्याने दोघांमध्ये वाद झाला होता. २५ ऑक्टोबरला रात्री साडेआठ ते नऊ वाजताच्या दरम्यान पुन्हा सुरज आणि देवराज यांच्यात भांडण झाले..यामध्ये देवराजने त्याच्या डोक्यावर झाडू मारण्याच्या दांड्याने वार केले होते. त्यात जखमी झाल्याने त्याला मेयोमध्ये दाखल करण्यात आले. ३० ऑक्टोबरला त्याचा मृत्यू झाला. यावेळी सूचनेवरून कोतवाली पोलिसांनी आकस्मिक मृत्यूची नोंद केली. त्यानंतर उत्तरीय तपासणीचा अहवाल आल्यानंतर डोक्यावर जखम झाल्याने त्याचा मृत्यू झाल्याचे कळाले..यावरून कोतवाली पोलिसांनी गंगाबाई घाट येथील सुरक्षारक्षक आणि परिसरातील नागरिकांना विचारणा केल्यावर देवराजने त्याला मारहाण केल्याची माहिती समोर आली. त्यावरून पोलिसांनी खूनाचा गुन्हा दाखल करीत, देवराजला अटक केली. पोलिस प्रकरणाचा तपास करीत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
