Chandrapur Triple Murder Case: मौशीतील तिहेरी हत्याकांड प्रकरण,पत्नीसह दोन मुलींचा खून करणाऱ्या आरोपीला न्यायालयीन कोठडी

Chandrapur Triple Murder Case: नागभीड तालुक्यातील मौशी येथे झालेल्या तिहेरी हत्याकांड प्रकरणातील आरोपी अंबादास तलमले याला न्यायालयात हजर करण्यात आले. न्यायालयाने त्याला न्यायालयीन कोठडी सुनावली. त्याची रवानगी चंद्रपूर येथील कारागृहात करण्यात आली. आरोपीवर ३०२ कलमाअंतर्गत खुनाचा गुन्हा दाखल करण्यात आला आहे. दरम्यान, रविवारी सायंकाळी आई, दोन मुलींवर सामूहिक अंत्यसंस्कार करण्यात आले.

रविवारी दारुड्या अंबादासने पत्नी अलका, मुलगी प्रणाली आणि तेजस्विनी यांची कुऱ्हाडीने वार करून हत्या केली. या घटनेने जिल्हा हादरून गेला. याप्रकरणी पोलिसांनी अंबादास तलमले याला अटक केली. या घटनेत मुलगा पानटपरीवर गेल्याने त्याचा जीव वाचला. या घटनेमुळे त्याची प्रकृती खालावली आहे. त्याला दवाखान्यात दाखल करण्यात आले. (Latest Marathi News)

रविवारी सायंकाळी तिघांवरही सामूहिक अंत्यसंस्कार करण्यात आले. आरोपी अंबादासला न्यायालयात सादर करण्यात आले. न्यायालयाने त्याला न्यायालयीन कोठडी सुनावली आहे. या घटनेचा पुढील तपास जिल्हा पोलिस अधीक्षक सुदर्शन मुमक्का, उपविभागीय पोलिस अधिकारी दिनकर ठोसरे यांच्या मार्गदर्शनात ठाणेदार विजय राठोड करीत आहेत.