नागपूर पदवीधर मतदारसंघ : अभिजित वंजारींचा अर्ज दाखल करताना काँग्रेसकडून शक्तीप्रदर्शन, बाळासाहेब थोरातांची उपस्थिती

congress candidate abhijeet wanjari file nomination for nagpur graduation constituency election
congress candidate abhijeet wanjari file nomination for nagpur graduation constituency election

नागपूर - येत्या एक डिसेंबर नागपूर पदवीधर मतदारसंघाची निवडणूक होत आहे. त्यासाठी काँग्रेसकडून अभिजित वंजारी यांना उमेदवारी जाहीर झाली आहे. आज नामनिर्देशन अर्ज दाखल करण्याचा शेवटच्या दिवस आहे.  वंजारींचा अर्ज दाखल करताना आज मोठे शक्तीप्रदर्शन करण्यात आले. यावेळी काँग्रेस प्रदेशाध्यक्ष बाळासाहेब थोरात उपस्थित आहेत. त्यांच्या उपस्थितीत वंजारींचा अर्ज दाखल करण्यात येणार आहे. 

नागपुरात महाविकास आघाडीकडून काँग्रेसचे अभिजित वंजारी यांना उमेदवारी जाहीर तर झाली. मात्र, राष्ट्रवादीचे शहराध्यक्ष अहीरकर यांनी विदर्भात काँग्रेस राष्ट्रवादीला दुय्यम स्थान देत असल्याचा आरोप करत आपला उमेदवार देणार असल्याचे जाहीर केले. त्यामुळे महाविकास आघाडीत बिघाडी होण्याची शक्यता नाकारता येत नाही. याबाबत बाळासाहेब थोरातांना विचारले असता त्यांनी महाविकासआघाडीत कुठलेही मतभेद नसल्याचे स्पष्ट केले.

आमच्या सर्वच जागा जिंकून येतील - थोरात
आमच्याकडे चांगले उमेदवार आहेत. त्यांचा चांगला कॉन्टॅक्ट आहे. त्यांचे नॉमिनेशन आम्ही आज करत आहोत. महाविकासआघाडीमध्ये कुठलीही नाराजी नाही. आम्ही सर्व मिळून निवडणूक लढवत आहोत आणि आमच्या सर्वच जागा जिंकून येतील, असा विश्वास यावेळी काँग्रेस प्रदेशाध्यक्ष बाळासाहेब थोरात यांनी व्यक्त केला. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com