देशातील सर्वात मोठ्या लोखंडी गर्डरचे लॉचिंग | nagpur | Sakal
sakal

बोलून बातमी शोधा

country Most of the Large iron Latching of girder

नागपूर : देशातील सर्वात मोठ्या लोखंडी गर्डरचे लॉचिंग

नागपूर : देशातील सर्वात मोठ्या लोखंडी डबल डेकर गर्डरचे लॉचिंग सुरू करण्यात आले आहे. विशालकाय लोखंडी ढाचा तयार करण्यात आला असून क्रेनच्या मदतीने बसविण्यात येत आहे. जोखमीचे हे काम सावधगिरी बाळगत पूर्ण करण्याचे आवाहन महामेट्रोचे व्यवस्थापकीय संचालक डॉ. ब्रजेश दीक्षित यांनी कामगारांना केले.

हेही वाचा: उत्तराखंडमध्ये भाजपला डबल दणका; मंत्र्यासह आमदाराचा राजीनामा?

कामठी मार्गावर गड्डीगोदाम येथे चार मजली पूल तयार करण्यात येत आहे. त्यासाठी विशालकाय लोखंडी ढाचा तयार करण्यात आला. गुरुद्वारा या ठिकाणी लोखंडी ढाचा बसविण्याचे कार्य सुरू झाले. या ठिकाणी आज महामेट्रोचे व्यवस्थापकीय संचालक डॉ. ब्रजेश दीक्षित यांनी भेट देत मेट्रो अधिकारी व कामगारांचा उत्साह वाढविला. यावेळी त्यांनी कामगारांशी संवाद साधला. यावेळी महामेट्रोचे अधिकारी प्रामुख्याने उपस्थित होते. लोखंडी ढाचा बुटीबोरी एमआयडीसी या ठिकाणी तयार करण्यात आला. बुटीबोरी येथून गड्डीगोदामपर्यंत ट्रेलरच्या साहाय्याने हा ढाचा आणला जात आहे. गुरुद्वाराजवळ ५०० टनची २ क्रेन व ३०० टनची १ क्रेन तसेच इतर मशिन दिसून येत आहे. देशात पहिल्यांदाच वेगळ्या पद्धतीची संरचना असलेल्या चार मजली पूलाचे बांधकाम केल्या जात आहे. पहिल्या मजल्यावर जमिनी मार्ग (विद्यमान आरयुबी मार्ग) रहदारी करिता असलेला रस्ता, दुसऱ्या मजल्यावर रेल्वे ट्रॅक, तिसऱ्या आणि चौथ्या मजल्यावर उड्डाणपूल आणि मेट्रो ट्रॅक राहणार आहे.

हेही वाचा: राज्यात आज मध्यरात्रीपासून नवे निर्बंध लागू; अनिल परबांची घोषणा

योग्य खबरदारीच्या सूचना

महामेट्रोच्या वतीने कार्य स्थळी कर्मचाऱ्यांना प्रोत्साहित करत मेगाफोनच्या साहायाने सतत सूचना दिल्या जात आहे. भारतीय रेल्वेचे संचालन होत असताना योग्य खबरदारीच्या सूचना दिल्या जात आहे. जमिनीपासून २४ मीटर उंचीवर आव्हानात्मक कार्य केल्या जात आहे. या निर्माण कार्यस्थळी सुमारे २०० अधिकारी, कर्मचारी, इंजिनिअर व कामगार चोवीस बाय सात काम करीत आहे.

Web Title: Country Most Of The Large Iron Latching Of Girder

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Nagpur
go to top