लग्नास नकार दिल्याने चिडली प्रेयसी; प्रियकरावरच केला चाकू हल्ला

घटस्फोटित मैत्रिणी पूजा गोस्वामीसोबत अक्षयचे भांडण झाले
Knife attack
Knife attackKnife attack

नागपूर : ‘माझ्यासोबत लग्न का करत नाही’ या कारणावरून युवकाचे मैत्रिणीसोबत भांडण झाले. यामुळे चिडलेल्या मैत्रिणीने युवकावर चाकूने हल्ला (Knife attack) करून जखमी केले. जीव वाचविण्यासाठी युवक अर्धा किलोमीटर धावत गेला. अक्षय कृष्णाजी ढोके (वय २७) असे जखमी युवकाचे नाव आहे. तर पूजा गोस्वामी (३०) असे अटकेतील आरोपी महिलेचे (girlfriend arrested) नाव आहे.

पोलिसांनी दिलेल्या माहितीनुसार, अक्षय हा (गुरुप्रसादनगर, प्लॉट नंबर ४२, दत्तवाडी) येथे तीन वर्षांपासून किरायाने राहतो. त्याच्यासोबत मित्र तुषार भोयर व सतीश डेकाटे (सिर्सी, ता. उमरेड) हेही राहतात. तो वाडीला खासगी कंपनीत काम करतो. मकरसंक्रांतीनिमित्त तुषार व सचिन गावाला गेले होते. अक्षय एकटाच रूमवर होता. सोमवारी रात्री ९.३० वाजताच्या सुमारास घटस्फोटित मैत्रिणी पूजा गोस्वामीसोबत अक्षयचे भांडण झाले.

Knife attack
‘खासदारकीचा राजीनामा देते; पण, माझ्या मुलाला तिकीट द्या’

पूजासोबत अक्षयची दोन ते तीन वर्षांपासून मैत्री आहे. मैत्रीचे रूपांतर प्रेमात झाले आणि त्यांनी लग्न करण्याचा निर्णय घेतला. यामुळे पूजाने पतीला घटस्फोट दिला. परंतु, काही दिवसांपासून त्यांच्यात खटके उडू लागले होते. अक्षय रूमवर एकटाच असल्याची माहिती पूजाला मिळाली. यामुळे ती रूमवर पोहोचली.

यावेळी लग्नावरून दोघांत भांडण झाले. अक्षयने लग्न करण्यास नकार (Marriage was refused) दिल्याने पूजाने चाकूने अक्षयच्या हातावर, मानेवर, पाठीवर, गालावर सपासप वार (Knife attack) केले. यामुळे अक्षय रूमवरच रक्तबंबाळ झाला होता. पूजाच्या तावडीतून सुटत अक्षय जीव वाचविण्यासाठी अर्धा किलोमीटर दत्तवाडी चौकापर्यंत धावत गेला. चौकातील नागरिकांनी अक्षयला वाडी येथील खासगी रुग्णालयात दाखल केले. अक्षयवर डॉक्टर उपचार करीत असून गंभीर असल्याचे बोलले जात आहे.

Knife attack
बकऱ्याऐवजी त्याने कापली माणसाची मान; रुग्णालयात मृत्यू

पूजाने दिली होती धमकी

पूजाने अक्षयच्या आईला एकदा फोन केला होता. यावेळी तिने ‘अक्षय माझ्यासोबत लग्न करणार नसेल तर मी त्याला सोडणार नाही, त्याचा जीव घेईन’ असे सांगितले होते. यातून तिने लग्नाचा तगादा लावून अक्षयवर चाकू हल्ला केला. वाडी पोलिसांनी पूजा गोस्वामी (girlfriend arrested) हिला अटक केली. मंगळवारी घटनेचा सखोल तपास करीत वाडी पोलिसांनी गुन्ह्याची नोंद केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com