Nagpur Crime: अनैतिक संबंधाच्या संशयातून पत्नीच्या मित्राची हत्या, आरोपीला जन्मठेपेची शिक्षा

Nagpur Husband killed Friend of Wife: पत्नीच्या कथित प्रियकराचा खून करणाऱ्या आरोपीला जिल्हा व सत्र न्यायालयाने जन्मठेप, दहा हजार रुपये दंडाची शिक्षा सुनावली आहे. रॉयसिंग भागीरथ उर्फ ठाकूरसिंग मेवाड (वय ४५, रा. सावंगी ता. कळमेश्वर) असे या आरोपीचे नाव आहे.

त्याच्यावर वसंतराव गोविंदराव पुसदकर (वय ५१, रा. सावंगी) यांच्या हत्येचा कळमेश्‍वर पोलिस ठाण्यात गुन्हा दाखल होता. न्यायाधीश आर. एस. पावसकर यांनी हा निर्णय दिला. ही घटना १७ ते २० जानेवारी २०२१ रोजी घडली होती. आरोपी व मृतक एकाच गावातील असल्याने एकमेकांशी परिचय होता. (Latest Marathi News)

रॉयसिंगला संशय होता की, त्याच्या पत्नीचे वसंतरावशी अनैतिक संबंध होते. घटनेच्या दिवशी हे दोघे सावंगी येथील एका शेतात एका झाडाखाली पाणी पीत बसले होते. यावेळी आसपास कुणीही नसल्याचा फायदा घेत रॉयसिंगने वसंतराव यांच्यावर काठी, विळा व कुऱ्हाडीने वार केले. यात वसंतरावांचा जागीच मृत्यू झाला.