Nagpur Railway Station: रेल्वे स्थानकावर पार्किंगची जागा अपुरी! प्रवाशांना होतोय मनस्ताप, गाडी ठेवणंही झालं अवघड

मध्यवर्ती रेल्वे स्थानकाच्या अत्याधुनिकतेवर भर दिला जात असताना दुचाकी स्वारांना गाडी पार्किंग करण्यासाठी कसरत करावी लागत आहे.
Nagpur Railway Station: रेल्वे स्थानकावर पार्किंगची जागा अपुरी! प्रवाशांना होतोय मनस्ताप, गाडी ठेवणंही झालं अवघड

Nagpur Central Railway Station: मध्यवर्ती रेल्वे स्थानकाच्या अत्याधुनिकतेवर भर दिला जात असताना दुचाकी स्वारांना गाडी पार्किंग करण्यासाठी कसरत करावी लागत आहे. गाड्यांची वाढती संख्या आणि अपुऱ्या जागेमुळे पार्किंगला जागा मिळत नसल्याने नागरिकांची डोकेदुखी वाढली आहे.

मुख्य रेल्वे स्थानकावर दिवसभर मोठी वर्दळ असते. तिकीट काढणारे, प्रवाशांना सोडण्यासाठी येणारे किंवा त्यांना घेऊन जाणाऱ्यांची संख्या मोठ्या प्रमाणात आहे. यातील बहुतांश लोक दुचाकीने रेल्वे स्थानावर येत असतात.

त्यामुळे पार्किंग स्टँण्ड नेहमीच हाऊसफूल असते. यात पार्किंगचे कंत्राट चालविणाऱ्यांचे चांगलेच फावते. दहा रुपयांचे पार्किंग शुल्क वीस रुपये घेऊन नागरिक व प्रवाशांची लुट केली जात होती. याबाबत अनेकदा तक्रारी सुद्धा करण्यात आल्या होत्या. आता कंत्राटदाराची पार्किंग नसली तरी रेल्वे प्रशासनाकडून पार्किंग स्टँण्ड चालविले जात आहे.(Latest Marathi News)

त्यासाठी कर्मचारी नेमले आहेत. सध्या रेल्वे स्थानकाच्या पुनर्विकासाचे काम सुरू असल्याने स्थानकाच्या समोरील जागेवर भूमिगत पार्किंगचे काम सुरू आहे. त्यामुळे संपूर्ण परिसर बंद करण्यात आला आहे. चार चाकी सोबतच आता दुचाकी पार्किंगला जागा अपुरी पडत आहे. गाडी स्टँण्ड नेहमीच पार्किंग हाऊसफूल होत असल्याने स्थानकावर येणाऱ्यांना गाडी लावायला जागाच उपलब्ध राहत नाही.

Nagpur Railway Station: रेल्वे स्थानकावर पार्किंगची जागा अपुरी! प्रवाशांना होतोय मनस्ताप, गाडी ठेवणंही झालं अवघड
India E-Waste : इलेक्ट्रॉनिक कचरा निर्माण करण्यात भारत तिसरा; केंद्राच्या माजी सल्लागाराची माहिती

त्यामुळे बहुतांश वेळ दुचाकी कुठे पार्क करावी? असा प्रश्न पडत असून जागा शोधण्यातच नागरिक व प्रवाशांचा वेळ जात आहे. याकारणाने रेल्वे सुटण्याची सुद्धा भीती प्रवासी व त्यांना सोडायला येणाऱ्या नागरिकांना आहे. पार्किंगच्या नावावर प्रचंड मनस्ताप नागरिकांना सोसावा लागत आहे. (Latest Marathi News)

Nagpur Railway Station: रेल्वे स्थानकावर पार्किंगची जागा अपुरी! प्रवाशांना होतोय मनस्ताप, गाडी ठेवणंही झालं अवघड
Spicejet lay off: स्पाइसजेटचा मोठा निर्णय! 1,400 कर्मचाऱ्यांना काढून टाकणार; काय आहे कारण?

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com