खापरखेडा: मंदिराचा कळस जसा महत्वाचा, तसा त्यावर उभारलेला पायादेखील महत्त्वाचा असतो. त्याचप्रमाणे पक्षाचे जुने कार्यकर्तेही तितकेच महत्वाचे असतात. भाजपचे जेष्ठ नेते रमेश जैन यांच्या अभीष्टचिंतन सोहळ्याच्या निमित्ताने खापरखेडा येथे आयोजित सत्कार समारंभात केंद्रीय मंत्री नितीन गडकरी यांनी जुन्या कार्यकर्त्यांच्या योगदानाची आठवण करून देत त्यांना विसरू नये, असे कार्यकर्त्यांना आवाहन केले.