राज्यपाल कोट्यातील उमेदवारीवरून नितीन राऊत का आहेत नाराज?

nitin raut not happy about anirudh wankar candidature
nitin raut not happy about anirudh wankar candidature
Updated on

नागपूर : चंद्रपूर जिल्ह्यातील कलावंत अनिरुद्ध वनकर यांना काँग्रेसतर्फे राज्यपाल नियुक्त कोट्यातून विधानपरिषदेची उमेदवारी देण्यात आली आहे. यामुळे ऊर्जामंत्री डॉ. नितीन राऊत पक्षावर नाराज आहेत. पक्षाचे प्रदेशाध्यक्ष आणि राज्याचे महसूलमंत्री बाळासाहेब थोरात यांच्याकडे डॉ. राऊत यांनी नाराजी व्यक्त केली असून पक्षश्रेष्ठींकडे तक्रार केली आहे. 

वनकर यांना उमेदवारी दिल्यावरून पक्षाच्या बैठकीत वाद झाल्याचे विश्‍वसनीय वृत्त आहे. त्यांना उमेदवारी देताना पक्षात विचारविनिमय झाला नाही. कुणाचेही मत जाणून घेतले गेले नाही, असा आक्षेप डॉ. राऊत यांनी घेतला. कारण अनिरुद्ध वनकर यांनी वंचित बहुजन आघाडीकडून काँग्रेस उमेदवाराच्या विरोधात निवडणूक लढविली होती. काँग्रेसमधील अनुसूचित जमाती वर्गातील नेत्याला विधानपरिषदेवर संधी द्यायला हवी होती. मात्र, त्याऐवजी वनकरांना उमेदवारी दिल्याची तक्रार हायकमांडकडे करण्यात आली होती. पण त्याचीही दखल घेण्यात आली नव्हती. तेव्हापासूनच वनकर यांच्या उमेदवारीवरून पक्षात धुसफुस सुरू होती. 

मुंबईमध्ये काँग्रेस पक्षाच्या झालेल्या बैठकीत डॉ. नितीन राऊत यांनी प्रदेशाध्यक्ष बाळासाहेब थोरात यांच्याकडे नाराजी बोलून दाखवली. त्यामुळे आता पक्षात नवीन वाद सुरू होतो की काय, अशी चर्चा सुरू झाली आहे. पक्षाच्या उमेदवाराच्या विरोधात लढलेल्या व्यक्तीला राज्यपाल कोट्यातून नियुक्त करावयाच्या पदासाठी उमेदवारी देणे सर्वथा चुकीचे आहे, असा मतप्रवाह तेव्हाच उमटला होता. पण त्यावेळी उघडपणे कुणी नाराजी व्यक्त केली नव्हती. आता ऊर्जामंत्र्यांनी उघड उघड नाराजी व्यक्त केल्याने पक्षश्रेष्ठी यावर काय निर्णय घेतात, याकडे पक्षातील मंडळीसह सर्वांचे लक्ष लागले आहे. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com