नागपूर : दोन वर्षांपर्यंतच्या बालकांना न्यूमोकॉकल आजार (Pneumococcal disease) होत असून, त्यात मुले दगावण्याचीही शक्यता आहे. बालमृत्यू रोखण्यासाठी महापालिका मंगळवारपासून निःशुल्क न्यूमोकॉकल लसीकरण (Pneumococcal vaccination) मोहिमेला सुरवात करीत आहे. उद्या सकाळी दहा वाजता महापौर दयाशंकर तिवारी (Mayor Dayashankar Tiwari) फुटाळा प्राथमिक आरोग्य केंद्रातून लसीकरण मोहिमेला सुरवात करतील. (Pneumococcal-vaccination-to-prevent-infant-mortality-from-Tuesday)
न्यूमोकॉकल लसीकरण मोहिमेसंदर्भात आज टास्क फोर्स समितीची बैठक पार पडली. त्यात हा निर्णय घेण्यात आला. बैठकीत अतिरिक्त आयुक्त राम जोशी, डॉ. साजिद खान, वैद्यकीय आरोग्य अधिकारी डॉ. संजय चिलकर व डॉ. नरेंद्र बहिरवार उपस्थित होते. न्युमोकॉकल आजार होण्याचा धोका दोन वर्षापर्यंतच्या बालकांमध्ये दिसून येतो. या लसीमुळे न्युमोकॉकल आजारापासून बाळाचे संरक्षण होईलच, शिवाय समाजातील इतर घटकांमध्ये न्युमोकॉकल आजाराचा धोका कमी होण्यास मदत होईल.
शहरातील एकूण ५३ लसीकरण केंद्रावर व ९८७ बाह्य सत्रांमध्ये ही लस देण्यात येईल. टास्क फोर्स समितीच्या सभेमध्ये डॉ. विजय जोशी, डॉ. रवी धकाते, डॉ. अर्चना कोठारी, डॉ. मंजूषा गिरी, डॉ. ज्योत्सना देशमुख, डॉ. अर्शिया शेख, डॉ. कृपाली लिल्लारे यांच्यासह सर्व झोनल अधिकारी उपस्थित होते.
(Pneumococcal-vaccination-to-prevent-infant-mortality-from-Tuesday)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.