Humanity Story: कोवळ्या जीवांना मिळतो मायेचा स्पर्श; नवजात शिशू अतिदक्षता विभागात ख्रिसमसच्या पर्वावर अवरतला ‘पर्पल सांता’..

नागपूर: जन्मत:च कमी वजनाचे बाळ. एक-दोन नव्हेतर सुमारे पन्नास बाळ उपचारार्थ असतात. प्रत्येक श्वासासाठी ही बालकं झुंज देत असतात. यांच्या उपचारासाठी डॉक्टर, सेवासुश्रूषेसाठी परिचारिका, तर बाहेर नाजूक जीवाची चिंता करणारे आई-वडील. या साऱ्या भावनांचा साक्षीदार असलेला नवजात शिशूंचा अतिदक्षता विभाग. संवेदनशील वातावरणात मेडिकलमधील परिचारिकांच्या पथकाने नवजात शिंशूना पर्पल सांताक्लॉजचे अनोखे रूप देऊन ख्रिसमस साजरा केला.