नागपूर - पंतप्रधान नरेंद्र मोदी हे ३० मार्चला नागपूरच्या दौऱ्यावर आहेत. या दौऱ्यात माधव नेत्रालयासह रेशीमबाग येथील स्मृतीस्थळ, दीक्षाभूमी आणि ‘सोलर’ एक्स्प्लोसिव्हज कंपनीला भेट देणार आहे. या दरम्यान त्यांच्या सुरक्षा व्यवस्थेसाठी उद्या गुरुवारपासून स्पेशल प्रोटेक्शन ग्रुप (एसपीजी) नागपुरात दाखल होणार आहे. याशिवाय पोलिसांकडून पाच हजार पोलिसांचा कडेकोट बंदोबस्तही लावण्यात येणार आहे.
पंतप्रधान नरेद्र मोदी सकाळी ८.४० वाजता शहरात दाखल होतील. त्यानंतर सकाळी नऊ वाजता ते रेशीमबाग येथील स्मृतीस्थळाला भेट देणार आहे. त्यानंतर ९.३० वाजताच्या सुमारास दीक्षाभूमी आणि १० वाजता माधव नेत्रालयाच्या कार्यक्रमात सहभागी होतील आणि त्यानंतर १२.०५ वाजता ‘सोलर’ एक्स्प्लोसिव्हज कंपनीला भेट देतील.
सलग पाच तास पंतप्रधान नरेंद्र मोदी नागपुरात असल्याने यादरम्यान त्यांच्या सुरक्षा व्यवस्थेची संपूर्ण जबाबदारी स्पेशल प्रोटेक्शन ग्रुप (एसपीजी) वर राहणार आहे. त्यांच्या मदतीला नागपूर शहर पोलिस राहणार आहे. आठवड्याभरापूर्वी महाल परिसरात हिंसाचार झाला. त्या पार्श्‍वभूमीवर शहरात कडेकोट बदोबस्त लावण्यात येणार आहे.
त्यासाठी पोलिसांची पाच हजार अधिकारी आणि कर्मचारी तैनात राहणार असून बॉम्बशोध व नाशक पथकासह, दंगलविरोधी पथक, क्युआरटी आणि इतर विशेष पथकांचाही समावेश करण्यात आहे. याशिवाय पोलिस सहआयुक्त, अतिरिक्त आयुक्त, पोलिस उपायुक्त, सहाय्यक उपायुक्त आणि इतर अधिकाऱ्यांचा समावेश करण्यात आलेला आहे. राज्य राखीव दलाच्या कंपन्यांची अतिरिक्त कुमक पोलिसांकडून मागविण्यात आलेली आहे.
तपास यंत्रांनाही कामाला
महाल परिसरात झालेल्या हिंसाचारानंतर लगेच पंतप्रधानांचा दौरा असल्याने केंद्रीय आणि राज्यातील तपास यंत्रणा सध्या अलर्टवर आहेत. त्यांच्याकडूनही घटनेनंतर असलेल्या परिस्थितीची चाचपणी करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.