नागपूर: राज्य मार्ग परिवहन महामंडळ (एसटी)च्या ‘एनसीएमसी’ कार्डमधील कोट्यवधी रुपये महामंडळाऐवजी खासगी कंपनीच्या तिजोरीत जमा होत आहेत. यामुळे एसटीचे आर्थिक नुकसान होत असून प्रवाशांमध्ये अविश्वास निर्माण झाला आहे. ही रक्कम महामंडळाच्या खात्यात जमा व्हावी, यासाठी महाराष्ट्र एसटी कामगार सेना आक्रमक झाली आहे. राज्यात सुमारे ६ कोटी सवलतधारक प्रवासी असून आतापर्यंत १ कोटी २० लाख प्रवाशांनी नॅशनल कॉमन मोबिलीटी कार्ड (एनसीएमसी) कार्ड घेतले आहे.
