नागपूर : महाराष्ट्र राज्य माध्यमिक व उच्च माध्यमिक शिक्षण मंडळातर्फे बारावीचा निकाल गुरूवारी (ता.16) घोषित करण्यात आला. राज्यात 21 फेब्रुवारी ते 20 मार्चदरम्यान बारावीची परीक्षा पार पडली. नागपूर विभागातून 1 लाख 57 हजार 811 विद्यार्थ्यांनी परीक्षेसाठी नोंदणी केली होती. यातील 1 लाख 56 हजार 877 विद्यार्थी परीक्षेला बसले. त्यापैकी 1 लाख 43 हजार 772 विद्यार्थी उत्तीर्ण झाले.
त्यात 72 हजार 376 मुली तर 71 हजार 349 मुले उत्तीर्ण झालीत. त्यांची टक्केवारी अनुक्रमे 94.13 आणि 89.26 इतकी आहे. विभागात गेल्यावर्षी प्रमाणे यंदाही अव्वलस्थानी गोंदिया जिल्हा असून त्याची टक्केवारी 94.13 आहे. भंडारा जिल्हा 93.58% टक्‍केवारीसह दुसऱ्या स्थानावर आहे तर नागपूर 92.53 टक्‍क्‍यांसह तिसऱ्या स्थानावर आहे. वर्धा जिल्ह्याचा निकाल सर्वात कमी 87.40 टक्के लागला असून गडचिरोली जिल्ह्याचा निकाल 88.64 टक्के आहे. शाखानिहाय निकालाचा विचार केल्यास यंदाही विज्ञान शाखेचा निकाल सर्वाधिक 98.08 टक्के लागला आहे. सर्वात कमी निकाल कला शाखेचा 84.61 टक्के लागला आहे. यंदाही परीक्षेत बारकोड पद्धतीचा वापर करण्यात आला होता.
नागपूर विभागाचा निकाल 91.65 टक्के लागला आहे. गेल्यावर्षी सर्वात शेवटी नवव्या स्थानावर असलेल्या नागपूर विभागाने यंदा मुंबई, लातूर, औरंगाबाद आणि नाशिक विभागाला धक्का देत पाचव्या स्थानावर झेप घेतली आहे. विशेष म्हणजे गेल्यावर्षीच्या तुलनेत निकालात 9.14 टक्‍क्‍याची वाढ झाली आहे.
फेरपरीक्षेतही वाढ
बारावीच्या परीक्षेत यंदा 10 हजार 767 पुर्नपरीक्षार्थ्यांचा समावेश होता. त्यापैकी 4 हजार 624 विद्यार्थी उत्तीर्ण झालेत. त्यांच्या निकालाची टक्केवारी 42.95 टक्के आहे. गेल्यावर्षी 22.49 टक्के निकाल लागला होता. यावर्षी निकालात तब्बल वीस टक्‍क्‍यांची वाढ दिसून आली.
गुणपडताळणी, छायांकित प्रतीसाठी आजपासून अर्ज
निकालाची घोषणा झाल्यानंतर ज्या विद्यार्थ्यांना गुणपडताळणीसाठी विद्यार्थ्यांना शुक्रवार (ता.17) पासून 27 जुलैपर्यत शुल्क भरुन अर्ज करता येणार आहे. फेरमूल्यांकन करण्याच्या उद्देशाने छायांकित प्रत मिळविण्यासाठी शुक्रवारपासून 5 ऑगस्टपर्यत दिलेल्या शुल्कासह अर्ज भरावयाचा आहे. श्रेणीसुधार योजनेसाठीही दोन संधी विद्यार्थ्यांना मिळणार आहे.
जिल्हानिहाय टक्केवारी
| गोंदिया | 94.13% |
| भंडारा | 93.58% |
| नागपूर | 92.53% |
| चंद्रपूर | 90.60% |
| गडचिरोली | 88.64% |
| वर्धा | 87.40% |
शाखानिहाय टक्केवारी
| विज्ञान | 98.08 |
| वाणिज्य | 91.70 |
| कला | 84.61 |
| एमसीव्हीसी | 87.47 |
संपादन - स्वाती हुद्दार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.