Wardha Yavatmal Railway: वर्धा-यवतमाळ-नांदेड नवीन ब्रॉडगेज रेल्वेचे काम पूर्ण, पंतप्रधानांच्या हस्ते होणार उद्घाटन

Wardha to Kalamb Railway Line: वर्धा-यवतमाळ-नांदेड या नवीन ब्रॉडगेज रेल्वे रुळाचे काम यवतमाळ जिल्ह्यातील कळंब तालुक्यापर्यंत पूर्ण झाले आहे. यवतमाळकरांसाठी अत्यंत आनंद व गौरवाची ही बाब आहे. उद्‍घाटनासाठी येण्याची विनंती खासदार भावना गवळी यांनी केली होती. त्यानुसार येत्या २८ फेब्रुवारीला यवतमाळ येथील कार्यक्रमातून रेल्वेला हिरवी झेंडी दाखवून या प्रकल्पाचे उद्‍घाटन करण्यात येणार आहे.

यवतमाळ हा शेतकऱ्यांचा आत्महत्याग्रस्त जिल्हा आहे. प्रधानमंत्री नरेंद्र मोदी हे जिल्ह्यात आले असताना त्यांनी शेतकऱ्यांचे उत्पन्न दुप्पट करण्याची घोषणा केली होती. त्यामुळे पीएम पोर्टलवर हा प्रकल्प अपलोड करण्यात आला आहे.

ही रेल्वे लवकरच यवतमाळ शहरात प्रवेश करणार आहे. आता कळंबपर्यंत रेल्वे प्रकल्पाचे काम पूर्ण झाल्याने उद्‍घाटनाचा कार्यक्रम घेण्यात येत आहे. २८ फेब्रुवारीला कळंब येथून वर्ध्यापर्यंत रेल्वे धावणार आहे. या रेल्वेला प्रधानमंत्री मोदी हे यवतमाळ येथील कार्यक्रमातून हिरवी झेंडी दाखवतील. (Latest Marathi News)

कळंब ते यवतमाळ लवकरच रेल्वे ट्रायल घेण्याकरिता खासदार गवळी यांचे प्रयत्न सुरू आहेत. याशिवाय शकुंतला रेल्वेला ब्रॉडगेजमध्ये रुपांतर करण्यासाठी प्रयत्न सुरू आहेत. शकुंतलाचे ब्रॉडगेजमध्ये रुपांतर झाल्यास यवतमाळकरांना मुंबईला जाण्याची अडचण दूर होणार आहे. याशिवाय शेतकऱ्यांना बाजारपेठ उपलब्ध होणार आहे.