पोलिसांचा खबऱ्या असल्याच्या संशयावरून नक्षल्यांनी केला युवकाचा खून; गडचिरोलीच्या भामरागढमधील घटना 

भामरागड(जि. गडचिरोली) : जिल्ह्यात ग्रामपंचायत निवडणूकिला रंग चढत असताना नक्षलवाद्यांनी पोलिस खबऱ्या असल्याच्या संशयावरून एका युवकाचा गळा चिरून खून केला.विनोद गोपीचंद मडावी (वय २३) रा. कोठी(टोला) ता. भामरागड, असे मृत युवकाचे नाव असून ही घटना आज उघडकीस आली.

जाणून घ्या - 'त्या' चौघांचे मृतदेह बघून आई-वडिलांनी फोडला टाहो; हिवरा-हिवरी गावात पसरली शोककळा; सरपंचांनाही अनावर झाले अश्रू

 कोठी (टोला) येथे मंगळवारी रात्री ११ ते १२ वाजताच्या दरम्यान काही सशस्त्र नक्षलवादी आले. त्यांनी शस्त्राच्या धाकावर विनोद मडावी व त्याचे वडील गोपीचंद मडावी यांना जंगलात नेले. तेथे दोघांनाही बेदम मारहाण केली. त्यानंतर जखमी गोपीचंद यांना घरी जायला सांगून त्यांच्या माघारी त्यांचा मुलगा विनोद याचा गळा चिरून खून केला. 

त्याचा मृतदेह नक्षलवाद्यांनी भामरागड- कोठी मार्गावर फेकून दिला.सोबत पोलिस खबऱ्या असल्याने खून केल्याचे पत्रकही ठेवले होते. या घटनेची माहिती मिळताच कोठी पोलिसांनी घटनास्थळी दाखल होत विनोदचा मृतदेह ताब्यात घेतला. 

जाणून घ्या - अखेर वाघीण आणि बछड्यांच्या मृत्यूचं रहस्य उलगडलं; शवविच्छेदनात पुढे आला धक्कादायक प्रकार

त्यानंतर त्याचा मृतदेह भामरागड ग्रामीण रुग्णालयात उत्तरीय तपासणीसाठी पाठवण्यात आला. घटनेचा अधिक तपास कोठी पोलिस करत आहेत. पोलिस खबऱ्या असल्याच्या संशयावरून नक्षलवाद्यांनी हा खून केला असला तरी याचा परिणाम जिल्ह्यातील ग्रामपंचायत निवडणुकांवर होणार असे दिसत आहे.

संपादन - अथर्व महांकाळ