‘जंगल में फायर नहीं, फ्लॉवर होने चाहिए’; नव्या पोस्टची सोशल मीडियावर धूम | Sakal
sakal

बोलून बातमी शोधा

व्हायरल होत असलेली पोस्ट

‘जंगल में फायर नहीं, फ्लॉवर होने चाहिए’; नव्या पोस्टची धूम

चिखलदरा (जि. अमरावती) : ‘पुष्पा’ चित्रपटाची सध्या सर्वत्र धूम आहे. या चित्रपटातील संदर्भ घेत मेळघाटातील धारणी, चिखलदरा तसेच अकोला जिल्ह्यातील अकोट तालुक्यात मेळघाट व्याघ्रप्रकल्पाला लागून असलेल्या भागात ‘जंगल में फायर नहीं, फ्लॉवर होने चाहिए’, ही पोस्ट चांगलीच व्हायरल होत आहे.

‘पुष्पा’ चित्रपटावरून ही पोस्ट (new poster of pushpa) तयार करण्यात आली असून, एकाच दिवशी हजारो लोकांनी या पोस्टला पसंती दिली आहे. व्हॉट्सअ‍ॅप स्टेटस, फेसबुक व अन्य सोशल मीडियावरूनसुद्धा (Social media) ही पोस्ट सर्वत्र व्हायरल होत आहे. शेकडो लोकांनी ती शेअरसुद्धा केली आहे. या पोस्टमध्ये जंगलात आग लावताना कोणी सापडले तर ५० हजार रुपये दंड व दोन वर्षे कैद होईल, असेही नमूद करण्यात आले आहे.

हेही वाचा: WHO प्रमुख म्हणाले, ...तर जून ते जुलैपर्यंत कोरोनाचा तीव्र टप्पा संपू शकतो

मेळघाटातील जंगलात दरवर्षी उन्हाळ्यात आग लागून हजारो हेक्टर जंगल खाक होते. त्यामुळे मेळघाटातील (jungal) कोट्यवधी रुपयांची वनसंपदा नष्ट होते. मात्र, या पोस्टमुळे मेळघाटातील जनतेमध्ये चांगली जनजागृती होत आहे. ही पोस्ट वनविभागाकडून जारी करण्यात आल्याची माहिती आहे. विशेष म्हणजे, दरवर्षी अशा प्रकारच्या पोस्ट तयार करून किंवा फोस्टर लावून जनजागृती केली जाते. जंगल वाचविण्यासाठी ही धडपड सुरू आहे.

वन्यजीव अभ्यासक अमोल सामंत यांनी सोनाळा वनपरिक्षेत्र अकोट वन्यजीवसाठी (jungal) ही पोस्ट तयार केली आहे. अशा पोस्ट दरवर्षी तयार करण्यात येतात आणि त्याचा चांगला फायदा होतो. यावर्षी ‘पुष्पा’ चित्रपटावरून तयार करण्यात आलेल्या या पोस्टमुळे चांगला फायदा होईल.
- डॉ. मयूर भैलुमे, वनपरिक्षेत्र अधिकारी, चिखलदरा

Web Title: New Poster Of Pushpa Jungal Social Media Chikhaldara Amravati District

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top