नितीन गडकरी म्हणाले, सिंचन वाढविण्यात कॉंग्रेस अपयशी 

यवतमाळ : "देशात कॉंग्रेसच्या काळात 70 हजार कोटींची विमान खरेदी करण्यात आली. हे विमान घेण्याऐवजी कॉंग्रेस सरकारने सिंचनावर पैसे खर्च केले असते, तर शेतकऱ्यांच्या आत्महत्या थांबल्या असत्या', असा आरोप केंद्रीय मंत्री नितीन गडकरी यांनी महायुतीच्या प्रचारार्थ आकोलाबाजार येथे गुरुवारी (ता.17) आयोजित सभेत केला. 
गडकरी म्हणाले की, निवडून आलेल्या सरकारसाठी निवडणूक ही एकप्रकारे परीक्षाच असते. यात सरकारने केलेल्या कामांवर जनता सरकारला पास किंवा नापास करीत असते. मागील निवडणुकीत जनतेने विकासाची कास धरून महायुतीला सत्तेत आणले. यावेळीही जनता कौल देईल, असा विश्‍वास त्यांनी व्यक्त केला.