वाहनासमोर सारस आले अन् घडला मृत्यूचा थरार, बापासमोरच मुलगा ठार

one died in road accident at pombhurna of chandrapur
one died in road accident at pombhurna of chandrapur

पोंभुर्णा (जि. चंद्रपूर ) :  चिंतलधाबा येथून दुचाकीने येत असलेल्या बाप- लेकांचा चिंतलधाबा मार्गावरील चेक आष्टाजवळ अपघात झाला. यात दुचाकीस्वार मुलगा ठार झाला, तर वडील गंभीर जखमी झाल्याची घटना घडली. मृताचे नाव प्रशांत कुळमेथे (वय 22) असे आहे. 

सातारा कोमटी येथील प्रशांत कुळमेथे आणि दिवाकर कुळमेथे हे काही कामानिमित्त बाहेरगावी गेले होते. काम झाल्यानंतर ते दुचाकीने स्वगावी येत होते. पोंभुर्णा-चिंतलधाबा मार्गावर त्यांच्या वाहनासमोर सारस प्राणी आला. त्यामुळे प्रशांतचे वाहनासमोरील नियंत्रण सुटले. दोघेही वाहनावरून खाली कोसळले. प्रशांत आणि दिवाकर कुळमेथे हे दोघेही गंभीर जखमी झाले. दोघांनाही पोंभुर्णा येथील ग्रामीण रुग्णालयात उपचारासाठी दाखल करण्यात आले होते. प्रशांतची प्रकृती गंभीर असल्याने त्यांना चंद्रपूर येथे उपचारासाठी हलविण्यात आले. शनिवारी (ता. 19) प्रशांत कुळमेथे याचा मृत्यू झाला. प्रशांतच्या मृत्यूने साताराकोमटी गावात शोककळा पसरली आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com