सकाळ इम्पॅक्ट : अधिकाऱ्यांचा डाव उलटला, पुस्तकांचे संपूर्ण संच देण्याचे सभापतींचे आदेश

order to distribute all books to library in amravati
order to distribute all books to library in amravati

अमरावती : जिल्हापरिषदेच्या समाजकल्याण विभागातील अधिकाऱ्यांचा डाव उलटला असून समाजकल्याण सभापतींनी वाचनालयांना संपूर्ण पुस्तके वितरित करण्याचे आदेश दिले आहेत. विशेष म्हणजे 'सकाळ'ने पुस्तक वितरण निविदेत घोळ झाल्याचे वृत्त प्रकाशित केले होते. त्यानंतर सभापतींनी दखल घेत अधिकाऱ्यांशी या मुद्द्यावर चर्चा केली.

समाजकल्याण विभागांतर्गत जिल्ह्यातील 127 वाचनालयांना 75 पुस्तकांचे संच वितरित करण्याची निविदा होती. मात्र, प्रत्यक्षात निविदा मंजुरीच्या वेळी 35 पुस्तकेच ऍक्‍नॉलेजमेन्टला लावण्यात आली होती. प्रत्यक्षात पाच ते सात लाखांची ही निविदा असली तरी 25 लाखांत ती मंजूर करण्यात आली होती. त्यामुळे या प्रक्रियेत घोळ झाल्याचा काही सदस्यांचा आरोप होता. एका सदस्याने तर समाजकल्याण विभागात जाऊन आपली नाराजीसुद्धा व्यक्त केली होती. समाजकल्याण विभागाकडून देण्यात येणाऱ्या पुस्तकांची खरेदीच संशयास्पद होत असल्याने जिल्हापरिषदेत चांगलेच वादंग निर्माण झाले आहे.

संबंधित प्रकरणाबाबत अधिकाऱ्यांशी चर्चा केली आहे. मागील वर्षी ज्याप्रमाणे पुस्तकांचा संच वाचनालयांना देण्यात आला, त्याच संख्येचा संच यंदाही देण्यात यावा, अशा सूचना दिल्या आहेत. 
- दयाराम काळे, सभापती, समाजकल्याण. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com