बापरे! यवतमाळ जिल्ह्यात तब्बल एक लाख ग्राहक थकबाकीदार; एप्रिलनंतर एकही बिल भरलं नाही

यवतमाळ: जिल्ह्यातील तब्बल एक लाख ग्राहकांनी गेल्या वर्षी एप्रिल महिन्यापासून एकही वीजबिल भरलेले नाही. त्यामुळे त्यांच्याकडे तब्बल 95 कोटी रुपयांची थकबाकी आहे. दरम्यान, या थकबाकीमुळे वीज महावितरण कंपनी आर्थिक अडचणी आली असून, ग्राहकांनी तातडीने वीजबिल भरावे, असे आवाहन महावितरणकडून करण्यात आले आहे.

हेही वाचा - पतीच्या मृतदेहाशेजारी पत्नीने काढली रात्र; प्रियकराच्या मदतीने डोकं आपटून केला खून

लॉकडाउनमध्ये कोरोना विषाणूचा प्रार्दुभाव रोखण्यासाठी वीज महावितरण कंपनीने गेल्या एप्रिल 2020 ते जानेवारी 2021 या दहा महिन्यांच्या काळात वीज बिल भरण्याचा कुठलाच तगादा लावला नाही. ग्राहकांना अखंडित वीजपुरवठा केला. याचाच फायदा घेत जिल्ह्यातील लघुदाब वर्गवारितील एक लाख ग्राहकांनी एप्रिल 2020नंतर एकदाही वीजबिल भरलेले नाही. 

खासगी वीज कंपन्या थकबाकीदार ग्राहकांचा वीजपुरवठा माहे ऑक्‍टोबर 2020पासूनच खंडित करीत आहेत. महावितरणकडून मात्र, माहे फेब्रुवारी 2021पासून थकबाकीदार ग्राहकांचा वीजपुरवठा खंडित करण्यात येत आहे. मागील दहा महिन्यांत वाढलेली थकबाकीमध्ये झालेल्या प्रचंड वाढीमुळे महावितरणला ग्राहकांना अखंडित वीजपुरवठा करण्यासाठी अडचणी निर्माण होण्याची शक्‍यता आहे. 

हेही वाचा - जेवणासाठी बाहेर गेलेल्या मुलाची २८ दिवासांनी फक्त मिळाली कवटी; टी-शर्ट बघताच आईने...

जिल्ह्यातील एक लाख 17 हजार 272 ग्राहकांकडे सध्या 95 कोटी रुपयांचे वीज देयके थकीत आहेत. त्यामुळे ती वसूल करण्यासाठी महावितरणकडून प्रयत्न केले जात आहेत. नागरिकांनी थकीत रक्कम भरावी, असे आवाहन महावितरणने केले आहे.

संपादन - अथर्व महांकाळ