चंद्रपूर ः चंद्रपूर जिल्ह्यात गत सहा वर्षांपासूून दारूबंदी आहे. मात्र, गल्लीबोळात दारूची सर्रास विक्री होत आहे. लगतच्या जिल्ह्यातून तस्करी वाढली आहे. यासोबतच अमली पदार्थांचीसुद्धा तस्करी वाढली आहे. यात महाविद्यालयीन युवक अमली पदार्थाच्या विळख्यात सापडले आहे. मागील तीन वर्षांत पोलिसांनी 70 गांजा आणि अमली पदार्थ तस्करांना गजाआड केले आहे. 24 लाख 48 हजार 599 रुपयांचा मुद्देमाल जप्त केला.
दारूबंदीनंतर तरुणाई व्यसनाकडे वळणार नाही, असे दावे केले जात होते. परंतु व्यसनाचे नवे पर्याय तरुणांनी निवडले. त्यामुळे अमली पदार्थ तस्करांचे लक्ष या जिल्ह्याकडे गेले. सन 2019 मध्ये गांजा तस्करीचे पाच आरोपींना अटक केली. त्याच्याकडून सात लाख पाच हजार 690 रुपयांचा मुद्देमाल जप्त केला.
याच वर्षी आठ अमली पदार्थ तस्करांना अटक करण्यात आली. त्याच्यांकडून 33 हजारांचा मुद्देमाल जप्त केला. सन 2020 मध्ये गांजा पुरविणाऱ्या 37 जणांना पोलिसांनी अटक केली. त्यांच्याकडून 11 लाख 41 हजार 340 रुपयांचा गांजा जप्त करण्यात आला. अमली पदार्थ विक्री प्रकरणात फक्त एकच आरोपी यावर्षी पोलिसांच्या हाती लागला. त्यांच्याकडून 49 हजार रुपयांचा अंमली पदार्थ जप्त केले.
सन 2021 मध्ये पहिल्या तीन महिन्यातच अमली पदार्था तस्करीच्या दोन घटना घडल्या. तीन आरोपींना पोलिसांनी अटक केली. त्यांच्याकडून एक लाख 60 हजार पाचशे रुपयांचा मुद्देमाल जप्त केला. चार गांजा तस्करांना अटक केली. त्यांच्याकडून दोन लाख 98 हजार 741 रुपयांचा गांजा जप्त केला. दरम्यान, अमली पदार्थ तस्करांच्या मुसक्‍या आवळण्यासाठी पोलिसांनी विशेष पथक तयार केले आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.