धक्कादायक! जन्मठेपेची शिक्षा भोगत असलेला कैदी कोविड रुग्णालयातून पसार; शोधाशोध सुरु

अमरावती ः खुनाच्या गुन्ह्यात जन्मठेपेची शिक्षा उपभोगणारा बंदी कुणाचेही लक्ष नसल्याचे बघून संदर्भसेवा रुग्णालयाच्या कोविड रुग्णालयातून पसार झाला. पसार बंदीच्या शोधासाठी पोलिसांची गुरुवारपासून धावपळ सुरू आहे.

पसार बंदी यवतमाळ येथील रहिमनगरचा रहिवासी आहे, असे गाडगेनगर पोलिसांनी सांगितले. शेख सलमान शेख अहमद (वय 26) असे पसार बंदीचे नाव आहे. सदर व्यक्तीविरुद्ध यवतमाळ येथे खुनाचा गुन्हा दाखल होता. त्यात तेथील न्यायालयाने त्याला 27 डिसेंबर 2020 रोजी जन्मठेपेची शिक्षा ठोठावली. त्यानंतर यवतमाळ कारागृहामधून शेख सलमान या बंदीस अमरावतीच्या मध्यवर्ती कारागृहात पाठविले. 

हेही वाचा - क्षुल्लक वाद अन् भरचौकात मांडीवर चाकूनं केला वार; वाचून तुमच्याही अंगाचा उडणार थरकाप  

बाहेरून आलेला सिद्धदोष किंवा न्यायाधीन बंदी यापैकी कुणीही असला तरी अशा व्यक्तीला आधी अंधविद्यालयाच्या इमारतीत असलेल्या तात्पुरत्या कारागृहात ठेवले जाते. कोविड चाचणी निगेटिव्ह आल्यानंतर त्यांना कारागृहाच्या मुख्य इमारतीमध्ये आणल्या जाते. शेख सलमान या बंदीलाही 27 डिसेंबर 2020 रोजी तात्पुरत्या कारागृहात ठेवले. तेथून कोरोना चाचणीसाठी 20 जानेवारी 2021 रोजी पोलिसांनी त्याला कोविड रुग्णालयात दाखल केले. 

सदर बंदीवर कोविड रुग्णालयात पोलिसांच्या उपस्थितीत उपचार सुरू होते. गुरुवारी (ता. 28) सकाळी नऊ ते दहाच्या सुमारास कुणाचे लक्ष नसल्याचे बघून त्याने तेथून पळ काढला. गाडगेनगर पोलिसांना त्यासंदर्भात घटनेची माहिती देण्यात आली.

नक्की वाचा - रक्तबंबाळ अवस्थेत शेतात पडून होती तरुणी; काकानं खांद्यावर घेत पायी पार केलं तब्बल ३...

शेख सलमान हा बंदी कारागृहाच्या नव्हे तर पोलिसांच्या देखरेखीत कोविड रुग्णालयात उपचार घेत होता.
-रमेश कांबळे, 
अधीक्षक, मध्यवर्ती कारागृह, अमरावती.

संपादन - अथर्व महांकाळ