शिऊर : देशभरात ठिकठिकाणी अनेक हेमाडपंती मंदिरे अस्तित्वात आली. यापैकी एक असलेले श्रीक्षेत्र शिऊर येथील पुरातन हेमाडपंती रावणेश्वर महादेव मंदिर. .श्रीसंत शंकरस्वामी, श्रीसंत बहिणाबाई यांच्या वास्तव्याने व त्यांच्या समाधीस्थळाने पावन झालेल्या शिऊर गावापासून पश्चिमेस एक किलोमीटर अंतरावर पुरातन हेमाडपंती मंदिर शिवभक्तांना दुरूनच खुणावते. अतिप्राचीन असलेल्या या रावणेश्वराची बांधणी वेरूळ येथील घृष्णेश्वर मंदिरासारखी आहे. शिवलिंगाची रचना भीमाशंकर ज्योतिर्लिंगासारखी आहे. मंदिराचे संपूर्ण बांधकाम बेसॉल्ट खडकापासून झालेले आहे. विशेष म्हणजे हा दगड केवळ वेरूळ लेणी येथेच आढळतो. तेथून हा दगड शिऊरपर्यंत आणून या मंदिराची उभारणी झाली आहे..मंदिराची रचना हेच वैशिष्ट्यरावणेश्वर मंदिराचे चिरे त्रिकोण, चौकोन, पंचकोन, वर्तुळ, अर्धवर्तुळ इत्यादी आकारात घडवून ते एकमेकांत कुशलतेने बसवलेले असतात की त्यामुळे इमारतीच्या प्रत्येक अवयवाला दुसऱ्याचा आधार मिळून छत बिनधोक राहू शकते. पुण्यश्लोक अहिल्याबाई होळकर यांच्या कार्यकाळात म्हणजे इ.स. सतराशेच्या दशकात या मंदिराला पुढे लाकडी सभामंडपाचे काम करण्यात आले, असे सांगितले जाते. सध्या याच लाकडी छताची पडझड सुरू झाली आहे. तसेच मंदिरावर झुडपांनी अतिक्रमण केल्याने दगड सरकत असल्याचे दिसत आहे. पुरातत्त्व विभागाच्या दफ्तरी मंदिराची नोंद नाही. शिऊरला ‘ब’ तीर्थक्षेत्राच्या दर्जा असताना रावणेश्वर मंदिरात अनेक सोयी-सुविधांचा अभाव जाणवत आहे..महाशिवरात्रीला १५ हजारांवर भाविकदरवर्षी महाशिवरात्रीला साधारण पंधरा ते वीस हजार भाविक दर्शनाचा लाभ घेतात. संतांची परंपरा लाभलेले शिऊर गाव क दर्जाचे तीर्थक्षेत्र असून येथे विविध जाती धर्माचे आणि संत महात्म्यांची मंदिरे आहेत. गावाच्या पश्चिमेस सर्वात पुरातन असलेल्या श्री रावणेश्वर मंदिर दर महाशिवरात्रीला भाविकांनी गजबलेले असते. पायापासून कळसापर्यंत बारीक आणि सुबक नक्षीकाम करण्यात आले आहे. गावाच्या चारही दिशेला मंदिर उभारणीवेळी देवदेवतांच्या मूर्ती बसवण्यात आल्याने मंदिराचे सौंदर्य अधिक खुलून दिसते. रावणेश्वर मंदिरात दर्शनासाठी भाविक श्रावण मास आणि महाशिवरात्रीला मोठी गर्दी करतात..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
