तरुणाच्या मृत्यूने रुग्णालयाची तोडफोड; नातेवाइकांनी व्यक्त केला संताप

वणी (जि. यवतमाळ) : येथील दीपक चौपाटी परिसरात डॉ. पद्माकर मत्ते यांच्या रुग्णालयात रंगनाथनगर परिसरातील तरुण उपचारासाठी आला होता. त्याच्यावर उपचार करण्यात आले. परंतु प्रकृती अस्वस्थतेमुळे तो येथील खासगी दवाखान्यात उपचारार्थ दाखल झाला. त्याचा मृत्यूमुळे संतप्त झालेल्या नातेवाइकांनी डॉ. मत्ते यांच्या रुग्णालयाची तोडफोड केली.

नक्की वाचा - जन्मदाता बापच करत होता घृणास्पद कृत्य; अखेर दिरानं उचलला विडा अन् घडला थरार

आकाश हनुमान पेंदोर (वय 21), असे मृताचे नाव आहे. तो नेहमी डॉ. मत्ते यांच्या रुग्णालयात उपचारासाठी येत होता. प्रकृती बरी वाटत नसल्याने तो डॉ. मत्ते यांच्या रुग्णालयात उपचारासाठी गेला होता. डॉक्‍टरांनी त्याला इंजेक्‍शन दिले. यानंतर तो घरी गेला. 

प्रकृती खालावल्यामुळे त्याला खासगी मल्टिस्पेशालीटी हॉस्पिटलमध्ये दाखल केले असता त्याचा मृत्यू झाला. तरुणाच्या झालेल्या मृत्यूने संतापलेल्या नातेवाइकांनी आक्रमक पावित्रा घेत डॉ मत्ते यांनीच उपचारात कसूर केल्याचा आरोप करीत रुग्णालयाची तोडफोड केली. 

जाणून घ्या - आधी कापली हाताची नस, रुणालयात जाताना अचानक घेतली उडी अन् घडला थरकाप उडवणारा प्रसंग

रुग्णालयात तणाव निर्माण झाल्याने पोलिसांना पाचारण करण्यात आले. मात्र, नातेवाइक ऐकण्याच्या मानसिकतेत नव्हते. वृत्तलिहेस्तोवर कोणत्याही प्रकारचा गुन्हा नोंदविण्यात आला नव्हता.

संपादन - अथर्व महांकाळ