esakal | 'दुपारपर्यंत आमच्याशी बोलला अचानक रात्री मुत्यू कसा?' नातेवाईकांचा डॉक्टरांविरोधात संताप
sakal

बोलून बातमी शोधा

'दुपारपर्यंत आमच्याशी बोलला अचानक रात्री मुत्यू कसा?' नातेवाईकांचा डॉक्टरांविरोधात संताप

'दुपारपर्यंत आमच्याशी बोलला अचानक रात्री मुत्यू कसा?' नातेवाईकांचा डॉक्टरांविरोधात संताप

sakal_logo
By
संतोष ताकपिरे

अमरावती ः शहरातील कोविड रुग्णालयात उपचार घेताना मृत्यूमुुखी पडणाऱ्यांच्या संख्येत वाढ होत आहे. त्यानंतर बऱ्याच घटनांमध्ये मृतांच्या नातेवाइकांच्या रोषाचा सामना येथील डॉक्‍टर व कर्मचाऱ्यांना करावा लागत आहे.

हेही वाचा: दीपाली चव्हाण आत्महत्या प्रकरण: श्रीनिवास रेड्डीची अमरावतीच्या मध्यवर्ती कारागृहात रवानगी

बाहेरच्या जिल्ह्यातील एका रुग्णाला मंगळवारी (ता. 27) उपचाराकरिता येथील शासकीय कोविड रुग्णालयात दाखल करण्यात आले होते. गुरुवारी (ता. 29) या रुग्णाने दुपारी दोन वाजेपर्यंत मित्र व नातेवाईकांसोबत मोबाईलवर संभाषण केले. काहींसोबत चॅटिंगही केली. परंतु अचानक त्या रुग्णालयात गुरुवारी रात्री आठच्या सुमारास मृत्यू झाला.

त्याची माहिती नातेवाइकांना देण्यात आली. त्याच मुद्यावरुन रुग्णांचे नातेवाईक शुक्रवारी (ता. 30) अमरावती पोचले. त्यांनी थेट रुग्णालय गाठून दुपारी बोलणाऱ्या रुग्णाचा अचानक रात्रीतून मृत्यू कसा झाला. याबाबत डॉक्‍टर व कर्मचाऱ्यांना जाब विचारला. रुग्णाचा मृत्यू हलगर्जीपणामुळे झाल्याचा आरोप सुद्धा नातेवाइकांनी केला.

हेही वाचा: नागपुरातील शासकीय इमारतीला भीषण आग; अग्निशमन दलाकडून आग विझवण्याचे प्रयत्न सुरूच

वातावरण तापत असल्याचे बघून रुग्णालय प्रशासनाने घटनेची माहिती गाडगेनगर पोलिसांना दिली. वरिष्ठ पोलिस निरीक्षक विजय यादव हे रुग्णालयात दाखल झाले.

संपादन - अथर्व महांकाळ

loading image
go to top