Shivsena : ठाकरेंचा आणखी एक मावळा भाजपच्या गोटात; विदर्भात खिंडार

Amravati Rajesh Wankhede News : सत्तासंघर्षानंतर उद्धव ठाकरेंच्या अडचणी कमी होण्याऐवजी दिवसेंदिवस वाढतानाच दिसून येत आहेत. एकीकडे खरी शिवसेना कुणाची यावर सुप्रीम कोर्टात वाद सुरू असतानाचा ठाकरेंना अमरावतीमध्ये मोठा झटका बसला आहे. अमरावतीचे जिल्हाप्रुमख राजेश वानखेडे आज भाजपमध्ये प्रवेश करणार आहे. त्यामुळे एकीकडे पक्षाला बळ द्यायचं की शिवसैनिकांना पक्षांतरापासून वाचलायचं अशी द्विधा परिस्थिती उद्धव ठाकरे यांच्या समोर उभी ठाकली आहे.

जिल्हाप्रमुख राजेश वानखडे भाजपमध्ये प्रवेश करणार असून, वानखेडेंचा भाजप प्रवेश म्हणचे अमरावतीमध्ये शिवसेनेला मोठा धक्का मानला जात आहे. उपमुख्यमंत्री देवेंद्र फडणवीस, प्रदेशध्यक्ष चंद्रशेखर बावनकुळे यांच्या उपस्थितीत वानखेडे आज भाजपात प्रवेश करणार आहेत. वानखेडेंच्या भाजप प्रवेशामुळे भाजपची ताकद वाढणार असल्याने शिवसेनेसाठी ही डोकेदुखी ठरणार आहे. वानखडेंनी तिवसा मतदारसंघातून काँग्रेसच्या आमदार यशोमती ठाकूर यांच्या विरोधात निवडणूक लढवली होती.

वानखडे यांना आतापर्यंत एक कट्टर शिवसैनिक आणि मातोश्रीशी एकनिष्ठ असणारे कार्यकर्ते मानले जात होते; परंतु राज्यातील सत्तासंघर्षानंतर सध्याची परिस्थिती लक्षात घेता वानखेडेंनी भाजपमध्ये प्रवेश करण्याचा निर्णय घेतल्याची चर्चा आहे.