सहा जणांचा जामीन नाकारला; रेमडेसिव्हिर काळाबाजार प्रकरण

अमरावती : शहरात रेमडेसिव्हिर इंजेक्‍शनच्या (Remedivir injection) काळाबाजारप्रकरणी न्यायालयाने (Court) सहाही संशयित आरोपींचा बुधवारी (ता. १९) जामीन नाकारला. डॉ. पवन दत्तात्रेय मालुसरे, डॉ. अक्षय मधुकर राठोड, पूनम भीमराव सोनोने, शुभम प्रमोद सोनटक्के, शुभम शंकर किल्लेकर व विनीत अनिल फुटाणे आदींचा अमरावती न्यायालयाने जामीन नाकारला. असे आर्थिक गुन्हे शाखेचे पोलिस निरीक्षक व गुन्हे शाखेचे प्रभारी सहायक पोलिस आयुक्त शिवाजी बचाटे यांनी सांगितले. (Six were denied bail Remdesivir black market case)

फ्रेजरपुरा पोलिस ठाण्यात याप्रकरणी नमूद सहा व्यक्तीरिक्त अन्य एक, अशा सात जणांविरुद्ध नुकताच गुन्हा दाखल करण्यात आला होता. त्यापैकी एक जण क्वारंटाइन सेंटरमध्ये आहे. उर्वरित सहापैकी विनीत फुटाणे न्यायालयीन कोठडीअंतर्गत मध्यवर्ती कारागृहात आहे. डॉ. मालुसरेंसह पाच जणांना न्यायालयाने तात्पुरता अंतरीम जामीन मंजूर केल्यामुळे ते बाहेर होते. अंतिम जामीन रद्द करावा, यासाठी गुन्हे शाखेच्या वतीने न्यायालयात बुधवारी से दाखल करण्यात आला. सुनावणी होऊन न्यायालयाने पाच जणांना जामीन नाकारला, असे तपास अधिकाऱ्यांनी स्पष्ट केले.

(Six were denied bail Remdesivir black market case)