मानधनाची अट रद्द करण्यासाठी "आशां'चे मूक धरणे

यवतमाळ : "एनआरएचएम'मधील आशा व गटप्रवर्तक कर्मचारी यांना शासनाने देऊ केलेल्या तिप्पट मानधनवाढीचा शासन निर्णय काढण्यात यावा, या मागणीसाठी रविवारी (ता.15) आशा व गटप्रवर्तक कर्मचाऱ्यांनी काळ्याफीती लावून शासनाच्या धोरणाचा निषेध केला.
आशा व गटप्रर्तक राज्य कृती समितीने महाराष्ट्रभर राज्यव्यापी आंदोलन सुरूच ठेवण्याचा निर्धार केला आहे. महाराष्ट्रभर आशा व गटप्रवर्तक यांचे विविध पद्धतीने आंदोलन करण्यात आले आहे. तरीदेखील शासनाने अद्याप मागणी मान्य केली नाही. शासनाने "एनआरएचएम'मधील आशा व गटप्रवर्तक कर्मचारी यांना देऊ केलेल्या तिप्पट मानधनवाढीचा निर्णय तत्काळ काढून टाका, अन्यथा आंदोलन तीव्र करण्याचा इशारा यावेळी देण्यात आला.