अमरावती : शहरात दुचाकी चोरीच्या घटना काही केल्या कमी होत नसल्याचे दिसून येत आहे. काल पुन्हा शहरातून तीन दुचाकी चोरीस गेल्याचे गुन्हे दाखल झाले. आठवड्यात शहरात दुचाकी चोरट्यांनी चांगलाच धुमाकूळ घातल्याचे या घटनांवरून दिसून येते.
फ्रेजरपुरा, गाडगेनगर व शहर कोतवाली हद्दीत या घटना घडल्या. महत्त्वाची बाब म्हणजे एक दुचाकी तर चक्क अपार्टमेंटच्या पार्किंगमधून चोरीस गेली. त्यामुळे दुचाकीचोरीत अनेक घटनांमध्ये नागरिकांचा हलगर्जीपणासुद्धा कारणीभूत ठरत असल्याचे दिसून येते. चपराशीपुरा येथील शुक्रवाराबाजार परिसरातील प्रीतम ठाकूर यांच्या घरासमोर पार्किंग केलेली एमएच 27 बीसी 7317 क्रमांकाची पांडुरंग लक्ष्मण कपाटे याची दुचाकी चोरीस गेली.
तपोवनच्या संकेत कॉलनी येथील रचना गॅलॅक्सी अपार्टमेंटच्या पार्किंगमधून एमएच 27 बीएच 1247 क्रमांकाची दुचाकी चोरीस गेली. त्याचप्रमाणे राजकमल चौकात सीतारामदासबाबा मार्केट समोर उभी ठेवलेली राजेश श्यामराव सहारे यांची एमएच 31 व्हीएस 8395 क्रमांकाची दुचाकीही कुणीतरी चोरली.
सोमवारी (ता. 14) एकाच दिवशी पाच दुचाकी चोरीस गेल्या. रविवारी (ता.13) एकाच दिवशी शहरात दुचाकी चोरीचे आठ गुन्हे दाखल झाले होते. दुचाकी चोरट्यांनी या आठवड्यात चांगलाच धुमाकूळ घालून पोलिसांच्या नाकीनऊ आणल्याचे दिसून येत आहे.
अपार्टमेंटमध्ये लाखो रुपयांचा प्रशस्त फ्लॅट विकत घेतल्या जातो. परंतु वाहन पार्किंगच्या ठिकाणी सुरक्षेच्या दृष्टीने बऱ्याच ठिकाणी रखवालदार दिसत नाही, सीसीटीव्ही लावले दिसत नाहीत. त्यामुळे नागरिकांनी अपार्टमेंटमधील पार्किंगच्या ठिकाणी सीसीटीव्ही कॅमेरे लावावे तसेच रखवालदाराची व्यवस्था करावी, असे बोलले जात आहे.
संपादन - अथर्व महांकाळ
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.