ही कुठली विकृती? धक्का लागल्यामुळे चाकूने कापला युवकाचा गळा; सावरखेडा थांब्यावरील थरार 

बेलोरा (जि. अमरावती) ः नशेत असलेल्या दोघांपैकी एक जण युवकाच्या अंगावर पडला. त्याला हटकले असता चिडलेल्या दोघांनी युवकाचा चाकूने गळा कापून त्याची हत्या करण्याचा प्रयत्न केला. गुरुवारी (ता. चार) दुपारी साडेतीनच्या सुमारास ही घटना घडली.

पत्नीला मंगळ नसणे हे घटस्फोटाचे कारण नाही; उच्च न्यायालयाने फेटाळली पतीची याचिका

नीलेश अवधूत वरघट (वय 25, रा. सावरखेडा), असे हल्ल्यातील गंभीर जखमीचे नाव आहे. असे शिरखेडचे पोलिस निरीक्षक केशव ठाकरे यांनी सांगितले. जखमीवर जिल्हा सामान्य रुग्णालयात उपचार सुरू आहेत. 

दुपारच्या सुमारास नीलेश हा सावरखेडा येथील बसस्थांजवळ बसला होता. त्याचवेळी जवळून विशाल खंडारे व सागर मोहोड (दोघेही रा. घोडगव्हाण) हे नीलेशच्या जवळून जात होते. तोल गेल्यामुळे विशाल हा नीलेशच्या अंगावर जाऊन पडला. त्यामुळे नीलेशने त्याला हटकले. त्यावरून विशाल व सागर या दोघांनी नीलेशसोबत वाद घालून त्याला शिवीगाळ केली. 

छत्तीसगडमधील मोठ्या अधिकाऱ्याची नागपूरमधील लॉजमध्ये...

त्यानंतर सागरने नीलेशला पकडून ठेवले तर विशालने जवळच्या चाकूने नीलेशच्या गळ्यावर गंभीर स्वरूपाचे वार केले. त्यात तो गंभीर जखमी झाला. ग्रामस्थांनी जखमी नीलेशला उपचारासाठी अमरावतीच्या जिल्हा सामान्य रुग्णालयात दाखल केले. जखमीचे वडील अवधूत वरघट यांच्या तक्रारीवरून शिरखेड पोलिसांनी विशाल व सागर या दोघांविरुद्ध खुनाचा प्रयत्न केल्याप्रकरणी गुन्हा दाखल करून त्यांना अटक केली. 

संपादन - अथर्व महांकाळ