फाजील आत्मविश्वासाने घातला जीव धोक्यात; दुचाकी गेली वाहून अन् युवकांचे वाचले प्राण

बुलडाणा : फाजील आत्मविश्वासाने नको ते धाडस केले की स्वतःचा जीव जाऊ शकतो. ‘याची देही याची डोळा' प्रत्यय गावातील पांगरी केसापूर रस्त्यावर दोन युवकांना आला. या घटनेत दुचाकी वाहून गेली असली तरी प्रसंगावधानाने व गावकऱ्यांच्या सूचनेचे पालन केल्याने त्यांचा जीव वाचला एवढे निश्चित...

प्राप्त माहितीनुसार, गेल्या दोन दिवसांपासून जिल्ह्यात सर्वत्र जोरदार पाऊस सुरू आहे. संततधार पावसामुळे केसापूर येथील धरण भरल्यामुळे नदीला मोठा पूर आलेला आहे. यामुळे पांगरी केसापूर रस्त्यावरील पुलावरून पाणी वाहू लागले आहे. पाणी वाहत असताना देखील दुचाकीस्वार युवकांनी मोटारसायकल घालण्याचा प्रयत्न केला. गावकऱ्यांनी त्यांना अडवण्याचा प्रयत्न केला. परंतु, त्यांनी न ऐकता फाजील आत्मविश्वास दाखवत गाडी पाण्यात टाकली.

क्लिक करा -  ते मुहूर्त काढत जातील; पण सरकार इंचभरही हलणार नाही, कोणी व्यक्त केला हा विश्वास...

मात्र, अर्ध्यावर गेल्यानंतर मोटारसायकल पाण्याच्या वेगाने वाहून जाऊ लागली. अशा वेळी आजूबाजूला थांबलेल्या लोकांनी त्यांना ‘गाडी सोडून द्या, जीव वाचवा' असा सल्ला दिला. तो त्यांनी ऐकल्यामुळे गाडी वाहून गेली. मात्र, दोघांचे प्राण वाचल्याचे समाधान गावकऱ्यांनी व्यक्त केले.

या संदर्भात रायपूर पोलिसांशी संपर्क साधला असता सदर वाहन हे रायपूर येथील असून, वाहन मालकाचा शोध अद्याप लागला नसल्याचे त्यांनी ‘सकाळ'शी बोलताना सांगितले.