स्वातंत्र्याच्या सत्तर वर्षांनंतरही गावाला जोडणारा रस्ता होता खराब; अखेर गावकऱ्यांनी घेतला मोठा निर्णय 

मोहन गायन 
Sunday, 29 November 2020

मेळघाटातील अतिदुर्गम भागांतील डोमी गावात जाण्यासाठी रास्तच नाही. आज ना उद्या प्रशासन रास्ता बांधून देईल या प्रतीक्षेत असलेल्या डोनिवासीयांच्या पदरी निराशाच आली. परंतु त्यामुळे खचून न जाता त्याची श्रमदानातून रस्त्याचे खोदकाम व बांधकाम पूर्ण केले. 

जामली ( जि. अमरावती ) ः चिखलदरा तालुक्‍यातील अतिदुर्गम भागातील डोमी हे 65 घरे असलेले गाव. या गावातील लोकांना स्वातंत्र्याच्या सत्तर वर्षे उलटल्यानंतरही मूलभुत सुविधेकरिता झटावे लागत आहे. गावाला जाणारा मुख्य रस्ता खराब झाल्यामुळे ग्रामसभा घेऊन चार किलोमीटर रस्ता गावातील नागरिकांनी दुसऱ्यांदा खोदकाम करून तयार केला.

मेळघाटातील अतिदुर्गम भागांतील डोमी गावात जाण्यासाठी रास्तच नाही. आज ना उद्या प्रशासन रास्ता बांधून देईल या प्रतीक्षेत असलेल्या डोनिवासीयांच्या पदरी निराशाच आली. परंतु त्यामुळे खचून न जाता त्याची श्रमदानातून रस्त्याचे खोदकाम व बांधकाम पूर्ण केले. 

जाणून घ्या - तब्बल २२ वर्षानंतरही कर्मचाऱ्यांना नाही संगणकाचे ज्ञान, प्रशिक्षणाचे आदेश रद्द होताच अनेकांना सुखद धक्का

तालुक्‍यातील अतिदुर्गम भागांतील रुईपठार ग्रामपंचायत अंतर्गत येणाऱ्या चार किलोमीटरवर डोमी गाव आहे. मागील सहा महिन्यांपासून रुईपठार ग्रामपंचायतीचा ग्रामसचीव बेपत्ता असल्याचा आरोप आहे. त्यामुळे ग्रामविकासाचा खेळखंडोबा झाला आहे. तालुक्‍यातील राहू, बिबा, सरिता, सुमीता, एकताई, पिपल्या, हिलंडा, खारी, भांडूम, अशी अनेक गावे आजही विकासापासून कोसो दूर आहेत.

अखेर ग्रामस्थांनी स्वतःच रस्ता तयार करण्याचा निर्णय घेतला व डोमी गावात दुसऱ्यांदा श्रमदानातून रस्ता बांधण्यात आला. यापूर्वीही मध्यप्रदेशात जाण्याकरिता श्रमदानातून रस्ता तयार करण्यासाठी आदिवासी कुटुंबांनी पुढाकार घेतला होता. 

क्लिक करा - सावधान! .फेसबूकच्या `मार्केट प्लेस’वरून खरेदी करताय? होऊ शकते लाखोंची फसवणूक

रस्त्यासाठी श्रमदान करणाऱ्यांमध्ये अशोक धिकार, पतीराम बेठेकर, बासू धिकार, भैयालाल कास्देकर, रामदास कास्देकर, हब्बू बेठेकर, संजय बेठेकर, अंकुश बेठेकर आदी ग्रामस्थांचा समावेश आहे.

संपादन - अथर्व महांकाळ 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: villagers build roads of village by their own in Amaravati district