अमरावती विभाग शिक्षक मतदारसंघाच्या मतदानाला सुरुवात; केंद्रावर चोख व्यवस्था तैनात

Voting begins for Amravati Division Teachers Constituency
Voting begins for Amravati Division Teachers Constituency

अमरावती : अमरावती विभाग शिक्षक मतदारसंघाच्या मतदानाला सुरुवात झाली आहे. कोरोनामुळे मतदान केंद्रावर चोख व्यवस्था तैनात करण्यात आली आहे.

काही केंद्रांवर सकाळपासून शिक्षकांनी हजेरी लावली होती. त्यांची तपासणी करून मतदान केंद्रात सोडण्यात येत आहे. ३५ हजारांवर मतदार असून किती शिक्षक मतदानाचा हक्क बजावतात हे रात्री स्पष्ट होणार आहे. ३ डिसेंबर रोजी मतमोजणी होणार असल्याने सर्वांची उत्सुकता आता ताणला जाणार आहे.

अमरावती विभाग शिक्षक मतदारसंघाच्या निवडणुकीच्या मैदानात उतरलेल्या २७ उमेदवारांचे भवितव्य ३५ हजार मतदार ठरविणार आहेत. मतदान प्रक्रियेसाठी जवळपास ९०० अधिकारी कर्मचारी तैनात करण्यात आले असून, विभागातील पाचही जिल्ह्यात ७७ मतदानकेंद्र आहेत.

प्रत्येक मतदान केंद्रावर कोविड-१९ च्या सुरक्षात्मक तथा प्रतिबंधात्मक उपाययोजनेच्या अंमलबजावणीसाठी मतदारांचे थर्मल स्क्रिनिंग करण्यात येणार आहे. शारीरिक तापमान विहित मर्यादेपेक्षा अधिक आढळल्यास संबंधित मतदाराला दुपारी ४ ते ५ या वेळेत मतदान करण्याची मुभा राहील.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com