वर्धा : आतापर्यंत ग्रीन झोनमध्ये असलेल्या वर्धा जिल्ह्यात कोरोनाचा प्रवेश झाला आहे. आर्वी तालुक्‍यातील एका महिलेचा अहवाल पोझेटिव्ह आला आहे. विशेष म्हणजे या महिलेचा दोन दिवसांपूर्वीच मृत्यू झाला होता. महिलेचा अहवाल रविवारी प्राप्त झाल्याने या बाबीचा खुलासा झाला. यामुळे प्रशासनात चांगलीच खळबळ माजली आहे.
आर्वी तालुक्‍यातील हिवरा तांडा या गावातील महिलेला त्रास असल्याने सावंगी येथील रुग्णालयात तापसणीसाठी पाठविण्यात आले होते. यावेळी तिच्या गळ्याचा स्त्राव तापसनीसाठी पाठविण्यात आला होता. त्याचा अहवाल प्राप्त झाला असून, तो पॉझिटिव्ह आला आहे. यामुळे आतापर्यंत ग्रीन झोनमध्ये असलेला वर्धा जिल्हा कोरोना प्रादुर्भाव असलेला झाला आहे.
या महिलेसोबातच सावंगी रुग्णालयात उपचारासाठी आलेला रुग्णही पॉझिटिव्ह आढळला आहे. त्याचा अहवाल पोझेटिव्ह आल्याने त्याला सेवाग्राम रुग्णालयात उपचारासाठी दाखल करण्यात येणार असल्याचे सांगण्यात येत आहे. हा रुग्ण वाशीम जिल्ह्यातील असल्याने त्याची नोंद जिल्ह्यात होणार नसल्याचे सांगण्यात आले आहे.
रुग्ण आढळून आलेल्या हिवरा तांडा या गावाला सील करण्यात आले आहे. सोबातच येथील शासकीय रुग्णालयालाही सील करण्यात आल्याची माहिती प्रशासनाकडून देण्यात आली आहे.
या महिलेच्या अंत्ययात्रेत गावातील अनेक नागरिक सहभागी झाले होते. यामुळे महिलेच्या अत्यंत जवळचे आणि अंत्ययात्रेत गेलेल्या सर्वांची तपासणी करण्यात येणार असल्याची माहिती आहे.
महिलेला कोरोनाची लागण कुठून झाली याची माहिती प्रशासनाला मिळाली नाही. त्याचा तपास सुरू आल्याचे सांगण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.