बुलडाणा जिल्ह्यात दोनशे गावांत टँकरने पाणी पुरवठा

नांदुरा : संपूर्ण बुलडाणा जिल्ह्यात दिवसागणिक पाणी समस्या गंभीर होत असल्याने जिल्हा प्रशासन पुरते हादरले आहे.सद्यस्थितीत जिल्ह्यातील २०० गावात भीषण पाणीटंचाईने उग्र रूप धारण केल्याने या दोनशे गावासाठी २०७ टँकरची व्यवस्था प्रशासनाला करावी लागल्याचे चित्र असून १७४ विहीर अधिग्रहणासोबतच नविन २८३ विंधन विहिरी मंजूर करण्यात आल्या आहे.

जिल्ह्यात असणाऱ्या धरणातील जलसाठाही दिवसेंदिवस संपुष्टात येत असल्याने जनतेला टँकरच्या आवाजाकडे तर काही काहींना भर उन्हात डोक्यावर हंडा घेऊन पाण्यासाठी दाहीदिशा भटकंती करावी लागत आहे.

बुलडाणा जिल्ह्यात कधी नव्हे एवढी भीषण पाणीसमस्या यावर्षी निर्माण झाली आहे. सर्वच धरणातील जलसाठाही संपत आल्याने १३ तालुक्यातील २०० गावात २०७ टँकरद्वारे पाणी पुरवठा करण्याची वेळ प्रशासनावर आली असून दिवसागणिक पाणी समस्या भीषण होत चालल्याने प्रशासन पुरते हादरले आहे.मे महिन्याच्या दुसऱ्याच आठवड्यात दोनशे पार झालेले टँकर अजून किती गावासाठी लावावे लागणार हे येणारा काळच ठरविणार आहे.

जिल्ह्यात ३ मोठे प्रकल्प असून खडकपूर्णा व पेनटाकळी प्रकल्पात मृतसाठा तर नळगंगा प्रकल्पात ९.१७ टक्के जलसाठा असून मध्यम प्रकल्पापैकी पलढग ११.७२,ज्ञानगंगा ८.८१,उतावळी ११.६८ तर मस व कोराडी प्रकल्पात झिरो टक्के जलसाठा शिल्लक असून इतर ८१ पैकी ५६ लहानमोठ्या प्रकल्पात केवळ गाळ शिल्लक असल्याने खरे तर पाणीटंचाईला खरा फटका बसल्याचे दिसून आले आहे.टँकरसोबतच जिल्हा प्रशासनाकडून पाणीटंचाईवर मात करण्यासाठी १७४ विहीर अधिग्रहणासोबतच २८३ विंधनविहिरी मंजूर करण्यात आल्या आहेत.

तालुकानिहाय गावे  व टँकर 
तालुका                  गावे                 टँकर
बुलडाणा                २३                  २४
दे.राजा                   २७                  २८
चिखली                  १४                   १५
मेहकर                    १४                   १४
लोणार                    ०८                   ११
सि. राजा                 १९                   २०
नांदुरा                      २०                   २०
खामगाव                  ३०                   २९
शेगाव                      २०                   २२
जळगाव(जा)            ००                   ००
संग्रामपूर                  ०२                   ०१
मलकापूर                 ०५                   ०१
मोताळा                    १८                   १८