धारणी : मेळघाटच्या धारणी तालुक्यात चोरीच्या विविध घटनांची मालिकी सुरूच आहे. त्यातच एका चोरट्याने चक्क पीपीई किट घालून एका दारूच्या दुकानात चोरी केल्याची धक्कादायक घटना येथे उजेडात आली.
कलमखार येथील देशीदारू दुकानात हा चोरटा मध्यरात्री शिरला. त्याने सीसीटीव्हीचे डिव्हिआर, एलसीडी व रोख रक्कम लंपास केली. दुकानात चोरी करणार चोर सीसीटीव्ही कॅमेऱ्यात टिपल्या गेला. दुकानाचे मालक विशाल मालवीय व दुकानाचे मॅनेजर यांच्या मोबाईलमध्ये सीसीटीव्ही फुटेज येत असल्याने त्यावरून या चोरीचा सुगावा लागला. दुकानात शिरलेल्या चोरट्याने संपूर्ण पांढऱ्या रंगाची पीपीई किट व मास्क घातलेला दिसत आहे.
त्यामुळे स्वतःची ओळख लपविण्यासाठी चोरट्यांनी आता नवी शक्कल लढविल्याचे दिसून येत आहे. शहरी भागात अशा स्वरूपाच्या आयडिया लढविण्यात येत असताना आता ग्रामीण भागातसुद्धा चोरटे विविध शक्कल लढवून दुकाने फोडत असल्याचे या घटनेवरून स्पष्ट होत आहे. या घटनेची तक्रार पोलिस ठाण्यात करण्यात आली असून पोलिसांनी विविध कलमान्वये गुन्हा दाखल करून चोरट्याचा शोध सुरू केला आहे. चोरट्याने ४० हजार रुपये नगदी, सुमारे ३० हजार रुपयांचा एसलीडी व डिव्हिआर, असा अंदाजे एक लाखाचा मुद्देमाल लंपास केल्याची माहिती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
