गर्दी करणे, मास्क न लावणे भोवले; १६ व्यापाऱ्यांना प्रशासनाचा दणका

yavatmal corporation take action against 16 traders for violation of corona rules
yavatmal corporation take action against 16 traders for violation of corona rules

यवतमाळ : कोरोनाचा संसर्ग कमी करण्यासाठी प्रशासनाने नियमावली लागू केली आहे. मात्र, नियमांचे पालन होत नसल्याने शहरात कारवाई केली जात आहे. गुरुवारी (ता.25) महसूल, पालिका तसेच पोलिस प्रशासनाने संयुक्त कारवाई केली. यात शहरातील 16 व्यापाऱ्यांना तसेच विनामास्क फिरणाऱ्यांना दंड ठोठावण्यात आला आहे. 

शहरात गेल्या काही दिवसांपासून कोरोना रुग्णांची संख्या वाढती आहे. संसर्गाचा वाढता प्रादुर्भाव कमी करण्यासाठी जिल्हा प्रशासनाने जमावबंदी लागू केली आहे. जिल्ह्यातील बाजारपेठेची वेळ पाच वाजेपर्यंत केली आहे. नागरिकांना मास्क वापरने बंधनकारक करण्यात आले आहे. दुकानात पाचपेक्षा जास्त नागरिकांना एकत्र येण्यास मनाई करण्यात आली. या आदेशाची अंमलबजावणी करण्यासाठी शहरात सात पथके तयार करण्यात आली आहेत. बुधवारी (ता.24) पर्यंत मास्क न घालणाऱ्यांकडून 89 हजार रुपयांचा दंड वसूल करण्यात आला आहे. गुरुवारी (ता.25) शहरातील मुख्य बाजारपेठेत प्रशासनाने कारवाई केली. दुकानात पाच पेक्षा जास्त ग्राहक असलेल्यांवर कारवाई केली. यात सराफा, कपडा अशा विविध 16 व्यापाऱ्यांचा समावेश आहे. त्यांना प्रत्येकी दोन हजार रुपये दंड दिला. विनामास्क फिरणाऱ्यावरही कारवाई करण्यात आली. त्यांच्याकडून पाचशे रुपये वसूल करण्यात आले. शहरातील विविध भागात सात पथकाने वेगवेगळ्याठिकाणी कारवाई केली. या कारवाईत तहसीलदार कुणाल झाल्टे, मुख्याधिकारी सुनील बल्लाळ, डॉ.विजय अग्रवाल, शहर ठाण्याचे पोलिस निरीक्षक चोपडे यांच्यासह महसूल, पोलिस तसेच पालिका प्रशासनातील अधिकारी, कर्मचारी उपस्थित होते. 

शहरात दंडात्मक कारवाई -
शहरात कोरोनासंसर्ग वाढत आहे. त्यामुळे प्रशासनाने कठोर नियमावली तयार केली आहे. नियमांचे पालन न करणाऱ्यांवर कारवाई केली जात आहे. गेल्या तीन ते चार दिवसापासून शहरात सात पथके कार्यान्वित झाली आहे. आतापर्यंत मोठ्या प्रमाणात नियम मोडणाऱ्यांवर कारवाई केली आहे.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com