आंतरराष्ट्रीय कीर्तीचे कुस्तीपटू ‘द ग्रेट खली’ यांनी अहिल्यानगरमध्ये भाजप उमेदवारांच्या प्रचारासाठी रॅली काढली. शहरातील प्रमुख मार्गावरून काढण्यात आलेल्या या रॅलीला स्थानिक नागरिकांनी मोठा उत्स्फूर्त प्रतिसाद दिला. खलीला पाहण्यासाठी नगरकर रस्त्यावर उतरल्याने परिसरात उत्साहाचे वातावरण निर्माण झाले. रॅलीची सुरुवात शहराचे ग्रामदैवत श्री विशाल गणपती मंदिरात दर्शन घेऊन करण्यात आली. दर्शनानंतर खली यांनी मंदिरासमोर नतमस्तक होत रॅलीला प्रारंभ केला. या रॅलीदरम्यान खलीसोबत भाजप पदाधिकारी आणि कार्यकर्ते मोठ्या संख्येने उपस्थित होते. शहरातील अनेक भागांतून रॅलीचा प्रवास होत असताना नागरिकांनी घोषणाबाजी करत उमेदवारांना पाठिंबा दर्शवला. शहरात खलीचे आगमन होताच लोकांमध्ये प्रचंड उत्सुकता दिसून आली. अनेक नागरिकांनी खलीसोबत फोटो काढण्यासाठीही गर्दी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.