माणिकराव कोकाटेंच्या जुगाराच्या व्हिडिओने राष्ट्रवादी काँग्रेस आणि उपमुख्यमंत्री अजित पवार यांना आधीच मोठा फटका बसला होता. त्यातच लातूरमध्ये खासदार सुनील तटकरे यांच्या पत्रकार परिषदेदरम्यान घडलेला प्रकार पक्षासाठी आणखी डोकेदुखी ठरला. पत्रकार परिषदेच्या वेळी छावा संघटनेचे प्रदेशाध्यक्ष विजयकुमार घाडगे यांनी पत्ते फेकून आंदोलन केले. यानंतर राष्ट्रवादीचे युवक काँग्रेस प्रदेशाध्यक्ष सूरज चव्हाण आणि काही कार्यकर्त्यांनी मिळून घाडगे यांना बेदम मारहाण केली. या हल्ल्यात घाडगे गंभीर जखमी झाले आणि त्यांना तातडीने रुग्णालयात दाखल करण्यात आले. या घटनेनंतर राष्ट्रवादी काँग्रेसवर प्रचंड टीका झाली. महायुतीतील सहकारी आणि दिल्लीतील वरिष्ठ नेत्यांसमोर अजित पवारांची प्रतिमा डागाळली. परिस्थितीची गंभीर दखल घेत पवारांनी सूरज चव्हाण याला पक्षातून निलंबित केले. मात्र, ‘शब्दाचे पक्के’ मानले जाणारे अजित पवार फक्त २३ दिवसांतच भूमिकेत बदल घडवून आणला आणि चव्हाणचे निलंबन मागे घेतले. यामुळे पक्षाच्या अंतर्गत राजकारणावर आणि पवारांच्या निर्णय प्रक्रियेवर पुन्हा एकदा चर्चा रंगल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.